Video
Read full review
2011-04-19
28 views
同男性朋友第一次約會，唔知佢揀呢日有無特別意思，原來我哋識咗剛剛 3 個月。佢可以提早收工陪我去 Elements 睇 <單身男女>！真係開心！ It is my beautiful day! 因為，佢要半工讀比較忙！所以，我早幾日 check 定交通及餐廳資料，唔想令佢增添麻煩！同佢睇完戲之後，一齊搭小巴 77M 落番廣東道食嘢！無意中搵到呢間食江南菜嘅<周庄灶房>，都幾順路！仲有朋友鍾意食嘅鎮江水晶肴肉！ 一於呢度食啦！Sasa 附近正是流尚坊，一上到 10 樓，即見到<周庄灶房>招牌，行近睇好似布質，實質同易拉架廣告一樣物料。雖然係10 樓全層，但係唔係好大，大約半間課室咁細，比預期中細！ 10 ~ 12 張枱，靠牆位置為卡位，坐得唔算迫，可以接受！ 我發覺掛燈上有風景暗花圖案，三邊掛住如意結，結上有個面譜，相當特色！還有，每一個鐘發出音樂嘅鐘。首先，老闆問我哋要酸梅湯或豆漿？係晚市贈送！兩樣唔啱我哋，我要熱水，朋友要熱茶，老闆好識做，送咗一碟春卷俾我哋！至於店員只得兩、三個，朋友叫我留意一下一位店員把聲，好似詹瑞文！ 佢都幾細心
佢可以提早收工陪我去 Elements 睇 <單身男女>！真係開心！ It is my beautiful day! 因為，佢要半工讀比較忙！所以，我早幾日 check 定交通及餐廳資料，唔想令佢增添麻煩！
同佢睇完戲之後，一齊搭小巴 77M 落番廣東道食嘢！
無意中搵到呢間食江南菜嘅<周庄灶房>，都幾順路！仲有朋友鍾意食嘅鎮江水晶肴肉！ 一於呢度食啦！
Sasa 附近正是流尚坊，一上到 10 樓，即見到<周庄灶房>招牌，行近睇好似布質，實質同易拉架廣告一樣物料。雖然係10 樓全層，但係唔係好大，大約半間課室咁細，比預期中細！ 10 ~ 12 張枱，靠牆位置為卡位，坐得唔算迫，可以接受！ 我發覺掛燈上有風景暗花圖案，三邊掛住如意結，結上有個面譜，相當特色！還有，每一個鐘發出音樂嘅鐘。
首先，老闆問我哋要酸梅湯或豆漿？係晚市贈送！兩樣唔啱我哋，我要熱水，朋友要熱茶，老闆好識做，送咗一碟春卷俾我哋！至於店員只得兩、三個，朋友叫我留意一下一位店員把聲，好似詹瑞文！ 佢都幾細心！
奉上給朋友一杯熱茶係用陸羽茶包，比較上少餐廳用陸羽！真特別！
大致上由朋友發板，知我唔食辣嘢，全部大家唔食！
雪菜毛豆百頁湯麵 $35
以雪菜、毛豆、百頁絲等配料，配上上海幼麵。我先食湯麵暖肚。起初，以為有雪菜實會幾咸！意想不到味道係出奇地清！ 上海幼麵軟硬恰宜，份量亦不少！毛豆略帶爽甜，百頁絲尚夠入味！
范家祠糟溜滑魚片 $58一上枱都幾大碟，魚片幾多！ 用蛋白去炒，魚片真係夠滑；加入一些雲耳，軟腍入味！還有一些竹筍片，爽身有口感！相當不錯！值得推介！
四式拼盤 $88本應想叫鎮江水晶肴肉 $48 及太雕醉雞 $48 ，店員建議我哋食四式拼盤，可以慳 $8 之餘又可試到其他兩樣！果然醒目！ 四式拼盤包括：烤麩、醉雞、水晶肴肉、手拍小黃瓜。四款美食各具特色！ 烤麩 - 以花椒八角醃製，十分入味！我哋食唔出烤麩係咩？又似豆腐乾又似齋雞粒...！醉雞 - 將兩隻雞翼斬開一半，的確咸咗些少！ 水晶肴肉 - 論賣相及味道都不過不失，不太差又未算突出！始終不及 "霞飛" 嘅出色！手拍小黃瓜 - 食落好似日本青瓜，細細條夠爽身，不過，真係幾淡味！"霞飛"
http://www.openrice.com/restaurant/commentdetail.htm?commentid=2130673
煙燻糖心黃金蛋 $12 / 隻調節水溫要恰到好處才令蛋白蒸熟之餘，蛋黃又可半生熟狀態。蛋白外面略帶甜味！蛋黃滑不溜口！一人半隻，相當滋味！
春卷 (贈送)一碟兩小件，即炸仲好熱辣辣！ 春卷皮炸得好脆， 包著充滿肉汁嘅半肥瘦豬肉，好好食呀！
這餐大家都好滿意！食物質素不錯！價錢合理！
(晚市要加一)
埋單 $215
Post
