青花 (THE FOREST)

滿心期待嚟哩間食嘢，藍蝶花蟹肉菠蘿炒飯幾好味😋茘枝菠蘿紅咖喱大蝦都唔錯，不過偏咸😣泰脆炸豬手唔夠脆又係咸🥲，路邊炭火蒜炒豬腩肉生菜包🥬甜咗少少但都尚可接受，油酥手抓簿餅由17:21分等到18:20追過兩次先至再話等兩、三分鐘😤，原本諗住配紅咖喱汁食😣凍晒，不過有個年輕男侍應主動話可以整返熱👍因為用餐🍽時間90分鐘，不停喺度執嘢，好似趕住收枱，但唔係有人等位，當時未夠18:30我哋最後再叫多一個芒果糯米飯（因為想試吓），但係個芒果有幾片係唔同色有啲硬又酸，不過我個人去過一次就唔會再去，三個人食咗七百幾蚊，價錢都還可以接受，只係個別侍應服務一般，特別稱讚一位年輕男侍應服務好好👍