Wheatfield X 羅宋湯專門店 (青衣城) (Closed)

一路以來，食西餐時我一定嗌『紅湯』，好少要『白湯』。因此知道咗以『羅宋湯』命名的餐廳，想試好耐，今天終於約咗個志同道合的朋友一齊試試。餐單見到有幾種唔同的組合，嗌咗個『俄式清雞湯+拉麵+溏心蛋+可樂』和『牛腩羅宋湯+麥田薯仔沙律+牛油甜餐包+熱奶茶』，第一份75蚊，第二份72蚊。Waitress好貼心，好似知我心意咁，問我哋需唔需要2個碗仔，嗯，需要嘅，我都未出聲，好窩心喎。清雞湯拉麵大大碗，拉麵有彈性，唔會漲，雞肉好軟滑。而羅宋湯絕對係我想要的味道，湯料足，有5舊牛腩，煲得腍，惹味，成個湯味道適中，味蕾得到满足，仲有個薯仔沙律，樣靚又飽肚，唔錯。