九重鮮 (Closed)

蒸鍋之前試過好多，不過韓式嘅就第一次，估唔到大坑呢間九重鮮畀到嘅印象都幾好不過今次特登打文喺想講下呢到嘅員工服務態度真心稱讚，先頭同朋友坐嗰個位有冷氣機滴水，員工先抺好後再幫我地換位，之後又同我地細心講解每樣餐嘅分別，以及食法...另外餐廳會作臨時對應，邊樣海鮮當日較為新鮮嘅會建議作更變，依家好少地方算喺咁為客人諗，當然我唔排除好貴嘅餐廳喇食物方面，我地叫嘅喺首爾塔，員工話蝦比較無咁新鮮，改做咗和牛，另外北寄貝賣晒變咗龍躉魚，呢兩方面我地都無咩所謂⋯⋯每層每層食落去，每層感覺都好好，第一層嘅和牛好有牛味，呢種蒸法入口亦都易咬口；之後嘅蟶子象拔蚌同埋元貝都好鮮甜，蒸海鮮嘅汁好好飲；仲有魚好厚好滑，牛舌唔韌，就連粗糧嘅蕃薯同南瓜食得出嚟日本嘢（點解唔係韓國嘅？😂），好甜....不過個人好欣賞嘅喺蟹層旁邊嗰粒芝心丸，爆醬咁，一咬落口汁晌晒個口到，好滿足，最終大家都食唔晒個人參雞煲，大家吃到飽晒之餘仲一人一個外賣拿走，絕對係有食有攞