銘興山西刀削麵 (Whampoa Estate) (Renamed) View

今日又約左老友在紅磡食lunch，佢放12點飯。佢揀左呢間銘興山西刀削麵，我未食過，一於試試佢好彩早到，好快冇位，因為間野幾細，枱唔多，仲坐得幾迫。不過唔緊要，最緊要你啲野好唔好食老友叫左豬扒湯刀削麵，唔辣。我就試下牛𦟌冷刀削麵，中辣。老友個麵快過我嗰碗，可能冷刀削麵製作需時我嗰碗冇湯，啲麵條凍凍地，有咬口偏硬，我一般呢隻口感，唔係話唔好食。但佢啲醬料、配料撈埋一齊個味我鍾意喎，青瓜絲好清辣，又辣、愈食愈開胃。牛𦟌都好味，唔會太硬。朋友個豬扒份量多，我食左一舊，好夠味，誠意之作豬扒夠哂靚仔埋單出去埋，$101，我俾$150蚊佢，佢費事找，收我$100算