2nd Draft

Open Now

Now Closed

見下好耐冇見既朋友，揀間近近地環境又舒服方便傾計既餐廳飲杯野~飲野緊係要D小食，叫左份大坑薯條，係幼薯條，平時正餐我鍾意粗薯條，當小食就幼薯條好D，好脆好香口，麻麻地辣辣地，好過癮，原來有花辣椒、孜然、高菜調味，食到停唔到，調味比較濃，送啤酒一流熱浪炸菇好好咪，外脆內軟啫啫雞翼煲非常入味，醬汁好濃郁，好惹味，雞翼有炸過，攪拌均勻後依然有少少脆有人話要食蟹肉豆苗脆麵，staff好貼心提我地個麵好大份，不過佢太睇小我朋友了，因為佢食量的確同身形唔成正比..麵好夠脆，蟹肉同豆苗都好多好足料，汁份量剛剛好，唔會太多令到麵稔晒咁多好野食緊係要有啤酒送下，難得有香港本地釀造啤酒，當然要捧場，Contemporary Pilsner，清淡，爽口，易入口，好適合女仔飲少爺墨啤，好rich啤酒同小食都好特別，可一，可再！