原來啟德Airside已經開左好多新餐廳🤩
今次就黎到5樓food court隔離既肉味情談食韓燒
同專食韓牛既餐廳 呢度既店員更加推薦豬肉 🐷
尤其係招牌既 一級五花肉 真係比得上韓牛既質素
店員有推薦$688既一級五花肉套餐 🐽
套餐有齊招牌五花肉，仲有安格斯牛，雞肉，鱈魚同埋薯仔排骨湯🐄🐔🥔
但今次都係a la carte 試多幾款甜品🍰
🐷一級五花肉拼盤
呢度最推薦既就係豚肉
雖然係豬五花 但係油脂分佈恰到好處🤤
記得要有耐性煎到焦香 沾埋芥末大醬一齊食
特別欣賞呢度既店員好主動幫我換鐵板 仲會好有耐心地燒🔥
完全唔使擔心自己燒得唔好 會浪費左好既食材🤣
🥩壺漬大牛肋骨
作為牛魔王都係要要嗌番碟牛肋骨過下口癮
牛肋骨啖啖肉 肉質非常軟腍 👍🏻
壺漬既做法食落甜甜地 但就稍微蓋過左肉既香味🙈
🌶️辣炒年糕
其中一個唔點套餐既原因就係韓式料理
辣炒年糕既甜辣口味剛好可以中和燒肉既膩
再配上唔同前菜有齊泡菜、蘿蔔泡菜、豆芽、菠菜、菠南瓜蓉
唔點飯麵都真係已經好夠飽🥰
🍮焦糖布甸 🍰芝士蛋糕配雪糕
單點既話記得要留肚食甜品
焦糖布甸有慢慢焦糖醬 質感十分軟滑 😋
芝士蛋糕偏dense 有點膩 配上雪糕岩岩好
今次可惜烤香蕉售罄 下次黎要試返先得🥹
🏡유명진의 육미정담 肉味情談 📍九龍城啟德協調道2號AIRSIDE 5樓L506號舖
