發現左間適合一班人食飯既中菜餐廳嵐月
餐廳入面裝修好有高級感
有吧枱酒櫃/半開放式包廂/落地大玻璃望到啟德夜景
坐喺窗口位都幾chill
.
🧆鵝肝流心脆球 $𝟭𝟬𝟴
類似鹹水角但黑金色既外表
包住軟滑既鵝肝餡
一啖一粒啱啱好
.
🥓嵐月西班牙黑豚叉燒 $𝟮𝟵𝟴
例牌叉燒都幾大碟
抵食一份差唔多有十件厚切叉燒
叉燒表面用麥芽糖燒過
上菜時亦食到有焦糖化脆皮效果
半肥瘦叉燒肉質鬆化
外脆內軟叉燒係必點之選
.
🍲香煎花膠扒拌三色藜麥 $𝟮𝟵𝟴
花膠扒差唔多有5mm厚
而且配搭superfood藜麥+西蘭花粟米
創新的中西fusion菜
花膠本身唔濃味
蘸汁食仲惹味
.
🍚皇帝蟹脆米泡飯 $𝟮𝟯𝟴
裏面好多一絲絲蟹肉
有翠玉瓜/肉碎/菜圃/湯飯作基底
再另加脆米令層次感非常豐富
有鮮味之餘不失口感😋
.
🥗野生竹笙浸萵筍 $𝟭𝟲𝟴
清清地既蔬菜選擇
竹笙萵筍用高湯浸著
可以平衡吃中菜的膩感
.
🥠石獅黑蔴糕 $𝟲𝟴
造型勁得意既石獅子！！！
勁打卡able
食得出芝麻膏糕真材實料
有粒粒芝麻碎喺入面
.
𝗯𝘁𝘄連餐前小食既合桃都好好味
有淡淡既紅棗香
幾有心思
