安南鮮蝦米紙卷
米紙煙韌得嚟又唔會太厚，入面鮮蝦爽口彈牙，夾住薄荷葉同青瓜，點埋佢哋特製嘅魚露，清新開胃！
招牌越式三文治
法包外脆內軟，餡料好足，有扎肉、扎蹄、肝醬、肉鬆、蘿蔔絲同青瓜，口感層次豐富，份量十足！
生牛肉湯河
牛骨湯清甜得嚟好濃郁，牛肉片薄切，上枱時仲係粉嫩色，浸一浸熱湯就剛剛好熟，肉質好嫩滑，河粉滑溜，大大碗，必點！
河內特色伴檬粉
檬粉清爽，配料有順化豬肉、炸春卷、酸菜同生菜，撈埋佢哋嘅特製魚露醬汁，夏天食一流！
椰汁芒果西米露
椰汁香濃，芒果香甜，西米煮得剛好，唔會太淋。
杞子龍眼茶
養生之選！龍眼清甜，杞子有益，飲落好潤，岩晒食完濃味野之後平衡一下。
