Ha Noi 越南菜

Open Now

Now Closed

是晚係熱刺對阿仙奴，啟德體育園好旺啊😆我地一路行到去三館食越南野Ha Noi。呢間河內越南菜都有好幾間分店，價廉物美係食越南野嘅好選擇。⭐生熟牛肉湯河粉先來碗湯粉，湯頭夠熱又鮮味，再加辣椒同青檸仔提味，湯頭多左酸辣味更正😋肥牛片嫩滑，牛腩片有肉香，河粉滑滑嫩嫩好食。⭐越式咖哩牛腩飯一大碗咖哩汁再配上一大碗飯😆一睇就覺得好飽。咖哩汁幾香微微辣，入面有好幾件牛腩同薯仔，幾足料吖。⭐香茅牛肉三文治好鍾意食越式法包又叫左份，呢：個有少少失望啦，牛肉好少啊🥲但至少個法包夠香脆，塗左厚牛油同食到清新青瓜味。⭐炸蝦餅 & ⭐豬頸肉跟餐加小食有優惠，炸蝦餅香脆但無乜味，要點個酸辣醬先好食。豬頸肉幾好，香嫩有咬口😋⭐椰汁三色冰 & ⭐椰汁綠豆冰跟餐特飲加$12，叫左椰汁三色冰同椰汁綠豆冰，椰汁香甜幾好飲。全店滿坐好多人食，唔知關唔關有活動事呢？啟德體育園都好旺吖。

最近和朋友約在「Ha Noi 越南菜」吃飯，餐廳環境廣闊，裝潢設計帶點點越南風格。😋是日選擇：1️⃣河內小食拼盒🍽️內裡有地道春捲、越南扎肉、手打蝦餅、鮮蝦米紙卷、香茅雞翼。每款小食都各有特色，春捲外皮酥脆，內餡滿滿，較為特出。小食拼盒讓人可一次過品嚐到多種小食。2️⃣越式香茅豬扒湯河🍽️湯底濃厚，香茅豬扒味道濃，搭配河粉，不錯的選擇。3️⃣香茅沙嗲串燒 - 雞肉（3串）🍽️雞肉較為乾，假若醬汁多一點沙嗲味，可令整體更惹味！4️⃣椰汁珍多冰🍽️清爽又消渴，淡淡椰香味，特別適合在炎熱的天氣裡享用。

位於啟德的零售館裡面的越南菜餐廳，那邊體育園匯聚了不同國家菜式。而這間越南菜館食物選擇多元化，而且佈置用心，有很多綠油油的植物，座位舒適，樓底高落地玻璃可看到外面行人路景觀，很開揚。廚師精心推介：香茅沙嗲串燒3串雞肉，表面烤得香脆焦香，雞肉肉質彈牙。蘸上濃濃的沙嗲醬汁，更加惹味。沙律類：西貢牙車快新鮮的沙律，配上爽脆的蘿蔔絲、軟嫩的雞絲及花生碎碎，酸甜微辣，口感豐富。越式湯粉：河內生熟牛肉湯河粉差不多每一枱必點的大碗熱騰騰湯粉。這碗加入了生熟牛肉，粉嫩的鮮牛肉片，薄薄幾片，浸在滾湯裡數秒便變成棕啡色、熟透。湯底帶牛肉香，濃而不膩，河粉特別掛湯，吸收湯底精華。越式湯粉：河內雞絲湯檬雞湯湯頭清淡，鮮味清甜，檬粉較幼身，雞絲也很多，配上蔥花、蒜片及辣椒等調味。

今日下晝終於可以歇一歇喺啟德附近做嘢就嚟新商場行吓啦，嚟咗呢間喺啟德嘅越南菜食嘢第一次嚟啟德體育園餐廳環境好舒服仲有特別座位俾小狗狗可以一齊嚟食嘢可以坐側邊開隻窗仔，一路睇住一路食都幾sweet越式生菜包店員仲俾埋兩對手套，細心👍🏻生菜包有啲驚喜，同泰式嗰隻生菜包有啲唔一樣。偏向酸酸地小小辣味好開胃，成個dish好足料口感好豐富。加埋有少少紫蘇葉好fresh!推介招牌越式豬扒飯塊豬扒好大塊煎到好香口，有小小醃咗嘅蘿蔔絲做配菜，平衡返成個飯既感覺好輕鬆。好味！法式牛油雞翼超大隻脆卜卜嘅炸雞翼，好香牛油味裡面好juicy唔乾身。係好高水準既炸物。4隻2個人食就岩岩好。凍滴漏越南咖啡杯咖啡好好飲，次次一飲都好掛住越南個味道同我喺越南飲嘅味道99%一樣呢個味道係真係越南嘅咖啡豆先做到好讚！btw , 我哋好早去到5:30已經去到，然之後走嘅時候已經好多人😂

早上發黑雨，直至中午轉紅雨至外出，黎到啟德體育園，呢度都好多嘢食，巡完之後，決定去呢間越南粉店食下午茶，叫左套餐＄72，揀左生牛肉河粉，另再揀香茅豬打同包埋杯飲品。呢度員工好有禮貌，好用心對待用餐客人。生牛肉河粉牛骨湯有好濃牛肉味，湯又清澈，牛肉又粉嫩夠滑，河粉又夠腍，香茅豬扒好脆口，又夠哂肉汁，呢個下午茶套餐真抵食，加上員工又主動為客人加添熱茶，餐廳環境夠寬躺，好有越南feel，食飽後順便喺啟德園區暢遊整個下午天。

前幾日吃咗一家在啟德體育園附近商場的越南菜寶藏餐廳！性價比高到離譜，人均$240就能吃到撐，倆人根本吃不完，最後還得打包帶走。他家菜品超豐富，先說春卷，外皮酥脆🤔咬開後，裏面的蔬菜清爽可口，與秘制醬料搭配，味道層次豐富。豬頸肉更是一絕，烤得外皮微微焦香，內裏鮮嫩多汁，入口鹹香，嚼勁十足，蘸上特制醬汁，酸辣開胃。還有生牛河，牛肉片嫩滑，河粉爽滑勁道，湯底濃郁鮮美，每一口都超好吃😋服務更是沒得說，服務員全程態度超好，熱情又貼心。如果你要去睇演唱會或者球賽，這家店絕對是首選之地，既能填飽肚子，又能享受美味，沖就對啦！

點了二人套餐都抵食越式菠蘿炒飯充滿熱帶風情。菠蘿酸甜開胃。炒飯多料，炒得香口不會太油。適合大眾口味。西貢牙快車(雞絲沙律):生菜，蘿蔔絲，爽脆的蔬菜配上嫩滑的香茅雞絲,加上特製魚露,酸酸甜甜。清新開胃的頭盤。順化蕃茄牛腩配法包:擺盤很美。打卡必點。以蕃茄炆煮牛腩。醬汁酸甜。牛腩炆得入味軟腍。鬆脆的法包沾著蕃茄牛腩醬汁。口感一流。鮮芒果西米露:芒果較少。果味不夠濃郁,但西米滑滑軟q,甜度剛好。椰汁珍多冰:椰汁清甜，綠色珍多條柔滑帶點彈性，與椰漿濃郁。冰涼透心，充滿馬來風味。加配了安南鮮蝦米紙卷:米紙包裹着香草，米粉，彈牙鮮蝦與蔬菜,沾上魚露,清新爽口。夏日之選。

今日到啟德睇波前，喺零售館附近搵食，經過呢間越南餐廳，就試咗佢地既二人套餐，夠晒豐富又抵食，滋味又飽肚。🍜 主食- 生牛肉湯粉：牛肉嫩滑，湯底濃郁，洋蔥、蔥香撲鼻- 雞絲湯粉：雞肉清嫩爽滑，湯底同樣香濃，入口暖心。-兩碗湯河粉的 辣椒青檸都會另上：可按個人口味調味，提升風味層次🍗 小食 - 香茅雞翼（4隻）：香氣十足，外脆內嫩，啖啖滋味🥗 蔬菜- 田園時蔬：新鮮蔬菜，大大份，滿分另外加了一個越式炸春卷，酥脆可口，用生菜包住春卷，配埋醬汁，羅白絲， 口感提升🥥 飲品- 椰汁冰／椰汁珍多冰：椰香濃厚，冰感透心涼，絕配今餐的越式風味以上的份量, 只是268元, 真抵食

今日去咗啟德突然間好想食越南湯河之後就喺OpenRice度睇見到呢間評論都唔差於是同肥妹仔一齊去試吓睇完佢哋個Menu 想食得豐富啲我哋每人叫咗一碗圍返$100 嘅越南河首先講吓啲餸唔知舊牛腩發生咩事？勁多膏同勁韌肥妹仔完全咬唔到雞絲同扎肉都係一般冇乜話太大特別紫菜卷味道平平同個牛肉湯唔太夾最差之處首先碗湯唔夠熱基本上唔足以淥熟牛肉另外河粉唔夠新鮮全部一夾即斷 碎濕濕有啲直頭要用匙食之後再想講吓杯凍奶茶佢強調係冰鎮但係啲冰完全唔夠好似飲室溫奶茶咁非常之麻麻同埋今日成31度出面熱辣辣鋪入面唔夠冷氣食到成身汗整體上感覺非常差價錢$214兩個人唔值得再去幫襯

𓆹 河內生熟牛肉湯河粉 $𝟽𝟹湯底以牛骨熬製, 撒滿香蔥同香葉, 牛肉片熟度適中, 河粉質感細緻滑溜。𓆹 追加-越式手打炸蝦餅 $𝟹𝟺蝦餅外層酥脆, 內裡蝦肉紮實且有彈性, 適合搭配越式魚露酸甜醬提升風味。𓆹 香茅沙嗲串燒-牛肉 $𝟽𝟼牛肉串燒外層烤得微焦, 內裡肉質比較煙韌有嚼勁, 牛肉味道偏重, 側邊嘅沙嗲醬味道比較清淡。𓆹 越式豬頸肉 $𝟾𝟶豬頸肉外層微焦香, 內裡保持嫩滑, 脂肪比例適中, 食落唔會過於油膩, 搭配越式魚露甜酸醬更凸顯風味。

去啟德體育園睇完練波後，差不多晚餐時間，見到一間越南菜館。見用餐環境及座位舒適，等了幾張枱後終於有位！我們點了一碗火車頭湯河（2人份），還有3個小食，並配上2杯飲品。火車頭湯河的份量相當驚人，絕對夠2人享用。河粉滑嫩，搭配新鮮的辣椒和青檸，讓整碗湯更加開胃。湯頭清甜，濃郁的牛骨味吸引我飲多幾啖湯，配料也相當豐盛，包括牛丸、生牛肉、牛腱及扎肉，每一口都能品嚐到不同的風味。小食方面，原隻炸軟殼蟹口感脆口，完全沒有腥味，切開後每人一件，剛好合適。法式牛油雞翼是我最愛的炸物，濃郁的牛油香味令我回味無窮，雞皮脆口，肉質鮮嫩。最後的香茅炸豬扒，沒有厚厚的炸粉，香茅的腌製的味道很不錯！特色飲品點了冰鎮奶茶及凍越式滴漏咖啡，2款都好好飲，滿意的一餐！

同朋友慶祝生日食個下午茶，大家都近近地去啟德食tea順便行吓。揀咗呢間越南餐廳，叫咗個二人餐，價錢實惠，而且每一碟都大份，仲包兩杯特色飲品，抵食！下午茶時段都好多人。越式菠蘿炒飯：碟上，米飯粒粒金黃，配料豐富，而且仲有兩隻蝦砌成心心形。西貢牙快車 (雞絲沙律)：蔬菜爽口，雞絲嫩滑，加上特製醬汁，酸酸甜甜微辣非常開胃。順化蕃茄牛腩配法包：牛腩入味而且軟腍，塗在法包上，法包本身好香，而且唔硬好軟熟。鮮芒果西米露：芒果香味濃郁，西米露甜度剛剛好，唔會太甜椰汁珍多冰：濃香椰子味，椰綠絲與碎冰一齊飲非常解渴額外再單點一個安南鮮蝦米紙卷：大大件好豐富，鮮蝦和蔬菜，一定要點上魚露，提升米紙卷口感 二人餐係全日供應，份量都非常多，而且只係$258，唔使加一，非常抵食！

今日嚟到啟德零售館搵食，無意間發現地面有間越南菜餐廳——HaNoi越南菜，見到幾多街坊都入嚟食，環境乾淨企理，感覺幾舒服，決定入去試一試。點咗河內豬頸肉三文治（$59），其實就係越南法包，包身外脆內軟，夾住豬頸肉、酸蘿蔔、紅蘿蔔、芫荽同青瓜，餡料唔算過多，但夠新鮮，配搭清新，食落去唔會太膩。小食拼盤（$145）都算多元化，包括越南扎肉、香茅雞翼、鮮蝦米紙卷、地道春卷、手打蝦餅同大量蔬菜。每款小食都各有特色，特別鍾意香茅雞翼，香味突出，蝦餅都幾爽口。主食叫咗極品牛三寶湯河粉（$79），配料有牛丸、生牛肉、牛腱，湯底清甜，牛味適中，河粉偏腍但吸晒湯汁，整體唔錯。如果想味道更濃郁，可以自己加牛肉醬，店方亦都預先貼心準備。另外+$12 加配咗椰汁紅豆冰，椰汁味幾突出，配紅豆冰一齊飲落去好滑，夏天飲特別適合。總括嚟講，價錢合理，食物選擇多，味道都OK~無論朋友聚會或者一家大細都啱食，值得推薦俾鍾意越式料理嘅朋友。

市道競爭激烈, 而這一帶又食肆林立, 真要有它的獨特吸人之處才可生存, 揀了這間越南菜小館, 其中一個原因, 就是平日晚上也客似雲來, 幸好不至於要等位, Menu款式很多, 但吸晴是它的二人餐有海鮮菠蘿炒飯另上上台時兩隻大蝦, 十分足料, 而那個雞絲沙律(西貢牙車快）棘而爽的口感, 主菜是順化蕃茄牛腩配特厚法包, 味道是與一般廣東菜有分別而且極惹味, 另外附加一個酥炸軟殼蟹, 有特價值得一試, 至於特飲就有鮮芒果椰汁西米露及鮮青檸梳打, 真係抵食又好食。

去啟德睇演唱會之前，緊係要食飽飽😋決定係啟德零售館搵食🥰發現到e間越南野😍又幾抵食😎睇下餐牌佢都有d唔同嘅套餐，同埋加錢仲可以upgrade 特飲😍🌸蝦餅撈檬，蝦餅脆卜卜食落好彈牙😋檬粉食落味道岩岩好，酸酸甜甜幾開胃🥳🌸越式豬頸肉蛋飯，豬頸肉份量都好多，食落有d炭燒味🤗🌸芒果牛油果鮮蝦米紙卷，米紙卷味道好清新，入面加左生菜，青瓜同蘿蔔絲，口感勁有層次🤩🌸鮮芒果西米露，西米露味道剛好，唔會太甜👍🏻芒果香甜🌸椰青夠清甜