奈良上釜 (Closed)

之前經過登龍街見到奈良上釜經常排隊排好長，但朋友話原來有得訂位，於是我地預早一個星期訂位，好彩有訂位因為我地到左門口依然好多人，如果無訂位真係唔知排幾耐！坐低左待應都好有禮貌咁放低熱茶同介紹餐牌上面既食物~ 有釜飯又有喬麥麵盛，但最近做緊推廣就有蟹盛同母親父親節期間限定既櫻海老蜆肉釜飯！我地覺得其他都可以再試，期間限定當然要試下新野啦！於是每人各自揀左一個期間限定去試喇！ 套餐會分開兩次送上，首先會上左餐前小食先，蟹宴分別有松葉蟹腳天婦羅、松葉蟹腳(熟)，兩種食法，兩種口感。 蟹腳真係好鮮甜，而且啖啖肉，感覺非常滿足！ 另一個套餐就跟雜錦天婦羅同櫻花饅頭，雜錦天婦羅有南瓜、蕃薯、紅蘿蔔等等~都係剛炸起好新鮮！ 櫻花饅頭入要包住鰻魚，食落似糯米飯黏黏地既感覺好煙韌，口感一流！ 終於等到釜飯黎喇！有麵豉湯、蟹鉗蒸蛋、松葉蟹釜飯、哈蜜瓜！嘩~ 成個蟹蓋係個飯上面，好精彩呢!!! 蒸蛋入面有一大舊蟹鉗，啖啖肉，配埋蒸蛋一齊食，真係非常鮮甜！ 開始食主角喇！將釜飯裡面既蟹肉同蟹膏撈埋，最底仲要有飯焦架！怪不得有日本煲仔飯之稱啦！蟹肉份量有好多，撈埋一齊食真係好鮮甜好滿足....真係超超超