泉章居 (Closed)

星期五晚跟老公2人去泉章居食晚飯, 我們七點去到, 好好彩, 不用等位便有卡位坐. 直到七點半, 大堂己經有近50-60人排隊了, 始終早d到有著數.今晚, 我們點了一個2人餐 ($158)及2碗白飯, 另送綠豆沙. 2人餐包2餸1湯, 埋單每人$100, 又祗又好味. 1. 冬茸羮 - 冬瓜切粗粒及瑤柱絲夠晒多, 每啖湯都飲到冬瓜粒及瑤柱, 夠晒多料, 不過我個人還是喜歡這兒的老火湯. 始終羮有生粉獻, 點都似有d漿糊感覺. 2. 鹽焗雞 - 每次幫襯總會叫鹽焗雞, 貪佢夠大碟, 雞件又滑又多肉, 雞皮亦唔算肥, 雞味濃. 再配上沙薑蓉真係夠晒野味. 3. 西蘭花炒班腩 - 班腩好新鮮, 厚切班腩爽口彈牙兼有魚味, 食晒成碟都搵唔到1條骨, 啖啖肉, 正到暈. 西蘭花唔會太淋, 有咬口. 哩碟好祗食, 班腩仲多過菜, 我地食得津津有味. 4. 綠豆沙 - 綠豆沙煲到起晒沙, 綠豆又夠多, 成個糖水唔會太甜. 就算食晒成碗都唔會膩, 食完成個人滿足晒, 祗讚!!