睇餐牌食咩
4
4
豬扒撈金邊粉 走辣 $68
呢度出名船麵，不過見到撈金邊粉好吸引。顏色同一般炒金邊粉一樣，都係橙紅色，酸酸甜甜，最大嘅分別就係無左豆腐乾，同埋餸放一邊。原本想食豬頸肉，午市都好多人叫，豬頸肉原來要醃三個鐘，所以賣曬無咁快補到，所以我就改食豬扒啦！豬扒煎得幾香，點埋個泰式醬汁，酸酸甜甜，少少芫荽子，雖然口感唔同，但味道係平時食豬頸肉嘅味。
香茅雞翼 +$22
呢個賣相除左單骨之外，賣相都符合我地對香茅雞翼嘅期望，上面好多炸香嘅香茅。不過因為另外再加左炸蒜，又有魚露調味，味道比我地食開嘅濃味。外皮炸得乾身香口，都有保留少少肉汁，非常收貨。
凍泰式奶茶 +$8
非常足夠煉奶味，配紅茶好適合，唯一一樣遷就香港口味，就係甜度減低左，所以又無需要好似泰國咁多冰。
合計 $98
