重慶劉一手火鍋店 (Closed)

慕名而來嘅正宗重慶火鍋。喺銅鑼灣近SOGO附近，非常容易搵到。一大班朋友嚟慶祝，地方闊落又好光猛。原來有兩層，每一層都有醬料部，員工亦都10分友善同好客，耐心地解釋每一樣食物同埋有咩值得去食。我哋因為有朋友唔食得辣，所以叫咗兩邊唔辣嘅湯底。本人最鍾意食椰子雞煲，好清甜，計件亦10分充足，擺埋啲牛肉落去擦一擦就最好食啦。佢哋啲牛肉亦都10分多個選擇，有多個部位比我選擇，我哋叫咗美國牛肉，牛頸椎，日本和牛，牛舌，樣樣都有唔同嘅味道，絕對比出邊嘅火鍋唔同。錢外，佢哋都有唔同嘅丸類，我覺得最好食係燒帶子丸，同埋蔬菜嘅選擇亦都10分充足，有竹筍，粟米亦都好好味。最興奮嘅事情，就係有原個西瓜汁，同火鍋一齊食就最好啦。