Video
Read full review
2007-08-02
20 views
我向來都好鐘意食車仔麵, 顯徑車仔麵就更加係我既首選咁滯, 佢地由我細細個開始就係一個車仔檔, 晚晚好多人去買, 的士佬就更多, 泊到成街都係, 仲有周不時都見有benz佬來買麵, 果時真係幾利害架。而今時今日佢地由一架車仔檔做到入舖, 顧客層面唔同左, 可惜既係已經冇左以前既果種風味啦, 感覺上總係覺得已經冇咁好食, 但係都仲係高上準。每次一定食既米粉, 菜, 豬紅同冬菇(兩個都勁正, 勁入味), 魚蛋(正), 蘿白(冇喳, 中上水準), 炸雞翼都唔錯, 但係最緊要係一定要加勁多辣汁, 因為辣汁好正, 係成碗麵既靈魂, 冇左辣汁就完全係另一回事!讚完好野, 就要講返佢地最大既問題, 服務!本來幫襯得佢地都唔預有乜好服務架啦, 但係都未至於差到咁, 我直頭見過一個長毛仔在舖頭大聲喝個客話佢講野講得太快佢聽唔到, 但係其實係佢自己冇聽人講野, 人地講野根本都唔知幾正常.....我自己都有唔好多唔開心經驗, 但係有一次我叫外賣係最叫我火滾!我係長期外賣客, 有一次同老婆叫麵食, 叫左兩碗麵盛惠60大元, 我地等左半個鐘左右先送到, 我都等憤啦, 佢地送外賣向來唔快, 九個字都等過。一手交錢
每次一定食既米粉, 菜, 豬紅同冬菇(兩個都勁正, 勁入味), 魚蛋(正), 蘿白(冇喳, 中上水準), 炸雞翼都唔錯, 但係最緊要係一定要加勁多辣汁, 因為辣汁好正, 係成碗麵既靈魂, 冇左辣汁就完全係另一回事!
讚完好野, 就要講返佢地最大既問題, 服務!
本來幫襯得佢地都唔預有乜好服務架啦, 但係都未至於差到咁, 我直頭見過一個長毛仔在舖頭大聲喝個客話佢講野講得太快佢聽唔到, 但係其實係佢自己冇聽人講野, 人地講野根本都唔知幾正常.....
我自己都有唔好多唔開心經驗, 但係有一次我叫外賣係最叫我火滾!我係長期外賣客, 有一次同老婆叫麵食, 叫左兩碗麵盛惠60大元, 我地等左半個鐘左右先送到, 我都等憤啦, 佢地送外賣向來唔快, 九個字都等過。一手交錢就一手交麵, 人走左我開餐, 一打開..... 下?! 我叫米粉, 炸雞翼, 辣齌, 生菜, 老水蛋加腩汁加辣汁, 點解我打開得返個生菜辣齌雞蛋淨米粉.....即時打電話去講, 佢話即刻換個碗新既上黎, 咁都ok丫, 但係即時佢又打個電話上黎, 都係唔換啦, 只係會拎返兩隻雞翼上黎, 咁我果碗係淨米粉黎喎?! 好淡喎?! 佢話"冇呀, 我地唔會送返啲汁俾你, 但係啲雞翼即刻就到, 個人已經走左, 送緊上黎", 佢仲問我送雞翼個人係咪已經到左, 聽到呢度我已經好火, 但係我好肚餓, 食返佢隻雞翼算數, 但係我一路等..... 五分鐘, 十分鐘, 十五分鐘..... 真係離晒普!我即時打電話去差佢地班友, 叫佢地自己食埋隻雞翼, 唔洗再送上黎, 最後我食埋我果碗已經凍左又淡到好似水咁難食既麵, 一半都食唔晒已經倒左去, 我去埋沖埋個涼, 終於有人送雞翼黎啦~ 不過, 我費時同佢開戰, 所以冇應到門, 留返俾佢自己食啦!
Post