顯徑車仔麵 (Closed)

街坊飯堂，食物一直無問題，之前用外賣app都無問題，今日第一次外賣自取，叫三碗米線，一碗4餸，2碗三餸。返到屋企，發現其中一碗米線漏咗一個餸，打去問，話下次補返，ok，反正成日食，冇問題，午市係忙。收線想倒湯，發現三碗米線竟然係share 一細碗湯🥲湯米線變拌米線，魚皮本身想浸湯，而家當薯片咁食。打去店家，店員係咁道歉，話可以去拎返，屋企距店步程15分鐘，真係行唔到，店員亦無其他compensation offer。硬食The end。香港生活好難好唔易，但求二餐食得好啲，搵返少少開心，請求店家真係出外賣check清楚，拜托了！

▫️顯徑車仔麵 @ 顯徑▫️屯馬開通真的很興奮系列🫶🏻 一直都未去過顯徑，所以試吓去顯徑揾野食😆 係一堆屋村之中搵到一間高質既車仔麵鋪，環境好乾淨，裝修得好企理，坐得好舒服，晚市都唔會好多人💖 佢亦都算係比較新潮，出咗個樽裝奶茶 - 喵奶茶😻 而且店員都好好人好有禮貌🥰🔸🍜車仔麵餐套餐(辣齋+手工雲吞+瑞士雞翼+粗麵) 連凍檸茶 $50既然佢舖頭叫顯徑車仔麵，就當然要食車仔麵啦🤣 好多餸可以選擇，我哋揀咗滋潤雞湯湯底，不過都係有少少辣，我食唔到太辣，但友人好鍾意食辣，所以佢覺得好好食😋 我哋揀咗瑞士汁，非常入味，辣齋索晒湯底啲味，所以好濃好入味，鹹度都適中💯 手工雲吞皮薄餡靚💖 瑞士雞翼都好夠味，而且肉質都好嫩😚 🍲招牌香葱滑蛋叉燒飯 $58勁大碗，而且賣相好吸引😍 豉油係自己落嘅，所以唔會怕太鹹😆 佢嘅滑蛋真係整得好滑，熟度掌握得好好👍🏻 而且配埋香蔥真係好好食😋 啲叉燒肥瘦都適中，份量都好多🥳🧋喵奶茶 $22 (跟餐+$16)呢個係佢哋嘅招牌特色🤩 個樽實在太靚太可愛，好打卡able🫶🏻 而且奶茶真係好有香港特色，口感順滑，味道甘甜🫰🏻🔸味道：★★★★★環境：★★★★★服務：★★★★★

每個星期日都會落街覓食，今次係第一次堂食呢間車仔麵。。。。好彩天氣唔算熱，所以我哋選擇咗坐出面。今次我哋一個叫咗車仔麵一個試新野👉🏻香煎手打肉餅煎蛋飯。先講車仔麵，賣相好吸引，湯底唔太鹹味道適中，午餐肉又香又脆，滷水豬大腸勁入味，瑞士汁雞翼亦都好入味，魷魚就不過不失。奶茶黎講，呢度算係唔錯。好過好多茶餐廳。再嚟香煎手打肉餅煎蛋飯，嚟到未食已經覺得好好食，因為賣相實在太吸引，留心半熟蛋，再加上薑蔥，肉餅勁大塊，唔好見到以為好鹹，就算就咁食都冇問題。不過如果鍾意重口味可能會覺得佢有啲淡。總括來講係可以再encore嘅一間街坊食堂。

🔸米粉，招牌辣汁（多辣）揀咗蘿蔔、沙嗲豬紅、辣齋同滷水雞翼尖🍜 蘿蔔當造，非常清甜，煮得夠冧夠入味！豬紅唔算太滑同冇臭味👌🏼 辣齋應該係沙嗲味，食到少少花生香味👌🏼 滷水雞翼尖夠入味，而且份量好多👍🏻🔸粗麵，招牌辣汁（多辣）揀咗手工韭菜餃、自家製鯪魚滑同潮汕爆汁牛丸🍜 韭菜控嘅我覺得韭菜餃可以多啲韭菜，會更加香濃😂 鯪魚滑唔錯👌🏼 牛丸q彈之餘都幾多汁💦👍🏻🔸自家製辣菜甫本身湯底只係揀咗招牌辣汁，見隔籬枱嗌咗辣菜甫我哋都跟住嗌😂 有驚喜呀‼️ 菜甫爽口而且辣得好過癮，裡面仲有少少蝦米🦐🥰📍#顯徑車仔麵 (#大圍美食)大圍上徑口村105號地下

去開顯徑諗住試下小店，呢間聽聞之前係老店改革嘅車仔麵，環境好有懷舊港式風格😎見到好多學生嚟食，價錢親民，味道就不過不失啦～🔸 車仔麵（HK$34-44）叫左2碗車仔麵，除左常見嘅款式，比較特別嘅係有炸豬扒，炸豬扒無分開上，雖然係湯上面食落都唔會超淋身嘅，另外叫左嘅餸有魚蛋、魚腐、雲吞、魚片頭，楠汁味道還好，無咩太印象深刻嘅評價啦🍜🔸鹽酥炸魷魚（HK$38）欣賞佢係即炸嘅，口感係脆卜卜嘅，不過真係鹹左啲啦🤭食到後來好口渴

轉左一班後生老闆後既顯徑車仔麵更乾淨衛生，車仔麵味道亦提升左去另一個層次，所以吸引左好多後生仔女至年輕情侶幫襯，我每次都一定要叫佢地既牛丸，陳皮魚蛋，牛丸有少少爆汁好彈牙，回味無窮。呢間野由我讀中學已經成日食，到依家生埋仔都會番黎幫襯，連9歲既仔仔都鐘意食，希望呢班後生仔繼續努力，研發更多食材湯底味道，淨係專注做好車仔麵同飯類已經好好，我自己就覺得佢哋辣汁好好味，可以研究吓整埋酸辣粉、各款麵類、我見佢哋都有啲飯賣，不過就未試過，好似對我唔係太吸引，不過我覺得佢哋個色彩可以多啲選擇例如啲餃子可以多一粒（而家好似得兩粒），可以增加牛肉、雞肉呢類健康食材

今日在顯徑完成工作後，本來想出大圍搵食，但見到有好多人喺顯徑車仔麵餐廳門外排隊，好奇便試一試，差不多排了15分鐘才能入座。店內環境乾淨企理，感覺舒服。裝修佈置帶點懷舊味道。講返食物質素，墨魚丸幾彈牙唔多粉，牛筋腩炆得好林，牛筋好滑，入味！ 車仔面底唔算大，如果肚餓要加底，至於腩汁湯底比較濃，豬皮朔晒湯底味道，食完有啲口渴，叫了杯檸檬梳打。生炸雞髀幾好食，味道醃得唔錯，肉質嫩滑，外皮香脆卻又唔算太油膩。邪惡一次冇後悔。

平時過嚟都會喺大圍站附近搵食，今日就搭多個站上到顯徑行個圈，原來都有得揀！原本見到顯徑車仔麵有呢個「加HK$28 餃子放題」 ，餃子killer嘅豬太郎當然無諗住放過佢啦！不過嚟到先發現原來已經做完呢個Promotion！唔緊要，佬飯/車仔麵一樣都啱食！舖仔細細但好企理！懷舊風嘅裝修又靚又舒服，而且員工都好後生，即刻覺得街坊舖都好有活力呀！太肚餓嘅關係嗌咗招牌香蔥滑蛋叉燒飯（$58）同淨雲吞（$26）各一！嚟到先發現有小小睇得起自己，因為份量都幾多下！鍾意食滑蛋嘅誠意推薦 — 招牌香蔥滑蛋叉燒飯，嗌咗小蔥真係有小到(開心)，啲蛋好滑好香甜。叉燒係切粒放係蛋嘅上面，再淋上叉燒汁，撈飯一流！另外嘅淨雲吞都份量唔少㗎，仲要隻隻都有原隻蝦，好足料！另外仲見到唔少客人都有嗌車仔麵！！下次再嚟一定要試下！

一日一黃店-大圍顯徑老字號車仔麵 推介必點超厚烤豬扒 開左好多年 呢排裝修左 仲有好大改變 係一間革新既老字號 .呢間車仔麵由細食到大開左好多年 絕對係呢區老字號係我人生食得最多既車仔麵呢日黎到 佢地舖面裝修左 似新式冰室feel勁新淨 但環境冇左舊既風味同埋冷氣 真心涼 夏天表示好爽快重點：好多舊既車仔餸都冇左例如我最愛既豬頸肉 但多左好多新野試試新野 點知有驚喜 循例記錄下（有學生餐$35 2餸 包野飲 勁抵）（仲有買一碗車仔麵或飯 加$28 可以任食 小鮮肉湯餃子）.自選車仔麵（餐牌睇圖）點左5樣野⭐️即炸豬扒$12🤔本來諗住放係湯到上 實變軟啦😋點知食落 外層酥脆 🔥好厚身（可睇圖）（呢個明顯比之前好好多 之前整定偏薄 依家即炸 好厚 算係佢地革新後既 其中一個分別）.⭐️柱候安格斯牛根腩$14👍🏻牛根腩好入味 👍🏻牛腩炆到好林 半肥瘦.⭐️手工雲吞$10 ⭐️手工菜肉餃$10呢2個 都皮薄 👍🏻雲吞成粒都係蝦 而且都爽.⭐️瑞士雞翼$12呢個反而普通 因為浸左落湯 有味都浸走哂👌🏻肉質同味道 都正常啦 冇咩特別.⭐️河粉👍🏻量有好多 👎🏻但一夾就散 碎濕濕 扣分.⭐️珍寶雞扒煎蛋飯$58👍

我家住大圍都幾幸福呀，交通好方便同埋有好多餐廳美食。而我屋企附近就有一間好老字號車仔麵檔，近年正式由第二代接管，革新老字號食店，裝修後都有一種好有懷舊FEEL的感覺。我同朋友叫左兩個車仔麵朋友的麵內有油麵、雞翼尖、午餐肉、牛栢菜、豬皮再加埋佢招牌辣汁，最初以為佢啲辣汁唔會好辣，但我地睇少左佢啦，愈食愈FEEL 到辣，但又好鬼過癮，搞到你愈食愈想再食。湯底好鮮甜。雞翼尖同埋豬皮都整得好入味。我的車仔麵內有油麵、瑞士雞翼、漢堡扒、午餐肉、牛筋腩，魚片頭再加埋招牌辣汁、腩汁及辣菜甫。而家舖頭仲有做緊小鮮肉湯餃子放題，只要惠顧任何一碗車仔麵及飯加$28就可以任食餃子🥟。

由細食到大既車仔麵，以前真係味精太重，直頭係重口味果隻，可能人大左要食小啲濃味，現在呢個岩岩好，同埋地方乾淨左！奶茶真係飲得下🤤🤤🤤🤤，係細杯左小小，幸好啲冰唔算多，另外我叫左烏冬，竟然係手打烏冬，贊👍👍👍牛丸超級好食，一食就知道唔係平貨果啲，牛根腩夠𣺉唔會鞋，不過太過大碗，食唔晒，大男人岩曬，食過返尋味！會再黎！🥳🥳🥳🥳最緊要係同路人，會繼續支持小店，最緊要加油，香港人加油💪💪💪💪💪

今日黎開顯徑探朋友，見仲有時間又有啲肚餓，就去咗好耐冇食嘅顯徑車仔麵，原來新裝修咗環境舒服又靚左好多！最近學人生酮飲食，所以要走麵底，問咗店家可以當剩餸叫，keto friendly! 啱晒我哋呢啲keto 友。因為走麵就叫多啲餸啦，今日叫咗個五餸：蘿蔔，牛腩，豬腸，魷魚，生菜。上枱碗野嘅樣子都唔錯，未食已經好開胃，試咗覺得比以前未裝修好食咗，略嫌湯底鹹咗少少，魷魚凍咗少少，其他都唔錯，牛腩分量多又夠味，蘿蔔亦都好林，豬腸又好食staff 仲好nice, 見我食到流晒鼻水主動遞紙巾比我下次黎開顯徑一定會再食

建議： 如果想加HK$28 餃子放題，同店員直接落單👍餐牌無架睇相/刨下文既時候，有諗過會唔會有伏？！抱住食下都無妨既想法就決定應戰😂 去到舖頭時，望落又正正常常，舖面環境好新淨而地磚幾靚，又唔會油淋淋👍 (網上啲圖應該都係舊舖相，所以現實去到反差好大，靚左好多🤭) 餐牌都算多野食，除左飯/車仔麵，仲有好多港式小食 (三溝碗仔翅😍、炸雲吞 同陳皮魚蛋…等等。今次試左：▪️招牌香蔥滑蛋叉燒飯 (HK$58)整體黎講滑蛋叉燒飯要有既野，依個飯都做到👍 滑蛋做既方法唔似平時茶記個種－蛋＋叉燒炒埋一齊。而係好似日式滑蛋甘有埋蛋汁，再平舖係飯面，然後加埋叉燒粒😯 食落既口感比平時既有啲唔同👍唯一可能會影響口感既係，有啲叉燒粒偏肥，大概有3-4粒，所以比例上其實都唔算太多，可以接受。至於對#試伏專員 黎講叉燒點樣先好食，蜜汁半肥瘦就最正😋 ▫️車仔麵 (麵底+配菜+飲品)🍜油麵HK$14 + 即炸豬扒 HK$12+凍奶茶 HK$6有4️⃣款汁可以揀：招牌辣汁、瑞士汁、腩汁、自家製辣菜甫。最後揀左招牌辣汁，唔算太辣係車仔麵店既味道🌶️份量都幾大碗，豬扒雖然得三舊，不過無諗過係厚切👍即炸好好味，啖啖肉而且肉質唔

放工山長水遠去試下,咁係去試下佢地既招牌菜。睇間鋪既名就知出名車仔麵，佢地餐牌選擇好多，吸引我既湯底係秘製辣汁和麻辣菜脯汁。分吃點了以下材料。秘製辣汁少辣湯底，選左秘製豬扒、咖喱魷魚頭。先講個湯，辣辣地，甜甜地，食到有蒜味，好香又開胃，好特別。豬扒以為好熱氣，食落又唔客氣，好好味，面層塊樣唔厚，炸得岩岩好，肉有手俺過。魷魚就一般，肉食緊肉咁，唔係爽得想食既味道。另一碗選左麻辣菜脯湯底，湯地一般，大腸出乎意外好食，大大舊，好肥，鹵得好入味，愈咬愈好味😋好好食，再去一定會選既餸之一。雲吞對我來講麻麻地，陷都唔特別無咩蝦！而雞翼既味道幾好，無咩驚喜。韮菜餃子🥟一食就知自己包，味道甜左d, 菜唔夠多，唔夠韮菜味，包得唔夠實，一般。煎雞飯：見碗飯好靚，雞扒味道唔夠，煎得幾好，反而讚既就係飯佢用珍珠米加埋個秘製汁就好好食。

食咗超過十年，應該有100次，由中學開始食大學同出左黎做野都間唔中返黎食，帶過朋友黎食都ok啱啱裝修咗幾個月，聲稱無轉手渣車經過見裝修完，前日諗住食個快，回憶下入去見成個班底換哂，湯底味都轉埋應該真係頂左手，無理由一個膽都唔留係到，就算真係無轉手，老闆娘都應該返黎試下味掛真心勁難食 勁難食，由湯底到每一個餸，雞翼、豬扒、魷魚全部唔掂炸野唔掂，烚嘢都唔掂，啲麵又淋，個汁又唔得利申佢地服務無問題，無任何衝突純粹討論，純粹唔好味大家冇多餘錢都唔使再試了再見 顯徑車仔麵