喜膳燒

Open Now

Now Closed

呢排天氣凍，朋友收工叫我去佢公司附近間鋪頭食燒烤。我第一次黎呢間喜膳燒，坐落都幾舒服，環境睇落企理乾淨。我哋叫咗燒金菇肥牛卷，明太子雞翼，西班牙黑毛豬五花肉，烤羊架，芝士響鈴同埋燒馬來西亞大蜆。黑毛豬五花肉雖然有肥肉，但燒完食落唔覺太油膩。金針菇肥牛連埋啲醬汁一齊燒，食落爽口得黎又有種甜味，幾特別。燒芝士響鈴從來無試過，今次都係貪得意叫黎試下，結果出乎意料。外邊係一層酥脆嘅響鈴，內里係芝士，食落好惹味，我同朋友一致好評。羊架一燒好，店員就送上黎。個羊騷味唔算話太過重，肉質嫩滑，羊味濃郁👍🏻。明太子雞翼同馬來西亞大蜆不過不失。啲野食全部都燒得恰到好處，價錢又唔貴，有機會可以再食。