Video
Read full review
2022-06-11
145 views
呢間係一間串燒嘅omakase！係一間尖沙咀嘅樓上鋪～有啲似日式嘅居酒屋！一上到去覺得好舒適，因為佢冇太多嘅座位，唔會有一般串燒舖侷促嘅感覺我哋上去係食一個498嘅set，見佢做緊買一送一，不過睇IG好似淨係做到五月佢個set有三色漬物、一隻細細隻嘅蟹仔、燒鱈魚乾、五串廚師發辦雞串燒、三款豚肉特色串燒（佢係咁寫，但係當我地食嘅時候發現原來係三款豚肉野菜特色串燒，剩係得一舊豚肉串燒，另外兩樣都係蔬菜串燒）、獨家玉子雞白湯、隻燒秘製醬油飯團、佢話有甜品蕨餅，我本身好期待呢個甜品因為見人哋話好食，但結果佢最後冇上到，我哋又冇咗回事，試唔到勁唔開心😭😭😭首先佢嗰度坐得幾舒服，完全唔會好似一般串燒舖咁樣污煙漳氣，又唔會好嘈好啱，靜靜地坐喺度傾偈前菜方面，鱈魚乾同埋小蟹仔都幾好食，鱈魚乾燒得好好，而小蟹仔好有蟹膏味！因為佢個雞串燒係逐串慢慢上，控制住你食嘢嘅速度，食到勁肚餓，就冇影到相🤣呢日我哋食嘅係雞頸肉、雞尾、雞腎、雞翼、糯米雞軟骨丸，雞頸肉同雞尾都係一啲我哋好少會食到嘅肉，都幾特別，冇諗過比想像中好食！雞腎同埋雞翼都比較普通，不過佢燒得好有肉汁，另外亦都配左幾款粉俾你點嚟食，好特別，分別有一
我哋上去係食一個498嘅set，見佢做緊買一送一，不過睇IG好似淨係做到五月
佢個set有三色漬物、一隻細細隻嘅蟹仔、燒鱈魚乾、五串廚師發辦雞串燒、三款豚肉特色串燒（佢係咁寫，但係當我地食嘅時候發現原來係三款豚肉野菜特色串燒，剩係得一舊豚肉串燒，另外兩樣都係蔬菜串燒）、獨家玉子雞白湯、隻燒秘製醬油飯團、佢話有甜品蕨餅，我本身好期待呢個甜品因為見人哋話好食，但結果佢最後冇上到，我哋又冇咗回事，試唔到勁唔開心😭😭😭
首先佢嗰度坐得幾舒服，完全唔會好似一般串燒舖咁樣污煙漳氣，又唔會好嘈好啱，靜靜地坐喺度傾偈
前菜方面，鱈魚乾同埋小蟹仔都幾好食，鱈魚乾燒得好好，而小蟹仔好有蟹膏味！
因為佢個雞串燒係逐串慢慢上，控制住你食嘢嘅速度，食到勁肚餓，就冇影到相🤣
呢日我哋食嘅係雞頸肉、雞尾、雞腎、雞翼、糯米雞軟骨丸，雞頸肉同雞尾都係一啲我哋好少會食到嘅肉，都幾特別，冇諗過比想像中好食！雞腎同埋雞翼都比較普通，不過佢燒得好有肉汁，另外亦都配左幾款粉俾你點嚟食，好特別，分別有一味粉、七味粉、抹茶鹽、咖喱鹽、梅鹽、芥辣鹽、山椒，我哋比較鍾意梅鹽、芥辣鹽同埋山椒。最鍾意嘅雞串燒係糯米雞軟骨串，超好食！糯米包住雞肉丸，入面係有啲雞軟骨粒粒，口感豐富，甜甜地咁勁好食！
之後就係呢個豚肉野菜串燒，豚肉入面包住左一啲菜苗，加埋一齊食幾fresh，野菜就有少少燒燶咗，都冇乜特別
雞白湯我哋都覺得一般，而飯團就燒得幾香口
最後食晒成個set我哋都係唔夠飽，另外仲嗌咗串雞肉軟骨棒同豚肉明太子燒，呢兩個都幾好食！雞肉軟骨棒係可以點生蛋黃，好夾好好食！
最後埋單600幾左右，兩個人都唔算太夠飽，不過質素幾好，服務態度亦都幾好！但最失望最唔開心都係佢哋唔記得咗上甜品，好想試，後尾走咗先記得😿😿😿
Post
