甜記餃子

Open Now

Now Closed

之前見有人寫甜記餃子係網民心中No.1，原來真係無吹大，食過後都成為咗我心中No. 1首先價錢親民，無論煎餃定湯餃都係$50內，共12款餃，有8隻 / 10隻揀。仲可以雙拼唔洗加錢，滿足貪心想揀多幾款既我以下係我當日叫咗既餃子。湯餃 - 西洋菜豬肉餃 湯餃 - 粟米芝士雞肉餃煎餃 - 洋葱薯仔牛肉餃 煎餃 - 南瓜忌廉雞肉餃食物質素真係高~ 真正皮薄餡靚，薄到似雲吞皮，皮薄到咁煎起上黎應該都幾高難度 餃子裏面既餡好多，每隻都脹卜卜，而裏面既餡味道都好出! 唔會食唔出邊隻打邊隻。揀湯餃的話個湯都有得揀，雞湯或薯仔蕃茄湯。試咗個特別D既薯仔蕃茄湯，唔算十分濃，但全無味精，飲哂落肚都得。唯一要改善係煎餃個油味有少少重，不過唔算好大問題。另外叫咗個豆漿，雖然都係入貨，但揀得好好，唔太甜，仲係香港製造仲有個菜脯都唔錯，見到入面有花椒，麻辣味都幾出。