Thai Chef Thais Restaurant

樓上老嘢阿姐服務勁串，一坐低就吹你落order，落單時態度又差，黑口黑面，勁串嘅語氣問你仲有冇，你講la，見你有空碟空杯問都唔問就即刻收走你，啲嘢食係幾好食，炒粉面飯咖哩都係六七十蚊一碟，份量都唔錯，食滿$200可以加1蚊換野，價錢又唔貴，一個人平均一百蚊多啲可以食飽，又唔洗加一（可能咁嘅服務態度都唔好意思收加一啦），不過更平更好食都無用，服務態度差成咁，唔洗錢都唔會再食，咁嘅態度都唔夠膽問多佢兩句，食完lala 聲走人。