Video
Read full review
2011-05-02
422 views
唔係火都黎埋....直情係唔會有火...而係直接覺得佢算把啦...未食就已經覺得下次唔使黎....話說尋日去華貴外婆家母親節,由於外婆行動不便所以選擇響嘉豪食.之前都食過幾次覺得都一般,唔會話差到話唔使黎甘.但今次真係超唔掂~一去到因為我地好多人,所以要一圍枱埋一邊既.而我地邊上岩岩係酒樓放杯碟碗...甘我舅父佢地為左放野,將d椅放左響放杯碟櫃前,但係中間個人都可以通過....但係個好肥既有d似小部長既亞姐就行埋黎好大聲甘話唔好放響呢度,佢地又要拎野,甘唔係甘好,不如放另一邊個高櫃上面.雖然不停好大聲甘話唔該,但我可以話比大家聽佢唔係真心嘍.重點我覺得佢好大聲好無禮貌我地一家人有大有細,你會唔會嚇親人...另外,因為我地後生仔坐開面,佢安排完我地放野後,我聽到佢走開不遠處時同d伙計講:癡線........(當時我就極度反感啦....)後黎到我地食飯,我地叫左個大班兩味x2.第一個黎到係西芹炒班塊....我食左一塊魚...跟住我亞媽,舅父,亞姨都接住一齊食....佢地己經不約而同地叫大家唔好食...因為條魚d肉"梅"既....跟住叫個西裝友樣既人過黎,同佢講,我地叫佢自己試下.佢只係笑笑
話說尋日去華貴外婆家母親節,由於外婆行動不便所以選擇響嘉豪食.之前都食過幾次覺得都一般,唔會話差到話唔使黎甘.但今次真係超唔掂~
一去到因為我地好多人,所以要一圍枱埋一邊既.而我地邊上岩岩係酒樓放杯碟碗...甘我舅父佢地為左放野,將d椅放左響放杯碟櫃前,但係中間個人都可以通過....但係個好肥既有d似小部長既亞姐就行埋黎好大聲甘話唔好放響呢度,佢地又要拎野,甘唔係甘好,不如放另一邊個高櫃上面.雖然不停好大聲甘話唔該,但我可以話比大家聽佢唔係真心嘍.重點我覺得佢好大聲好無禮貌我地一家人有大有細,你會唔會嚇親人...另外,因為我地後生仔坐開面,佢安排完我地放野後,我聽到佢走開不遠處時同d伙計講:癡線........(當時我就極度反感啦....)
後黎到我地食飯,我地叫左個大班兩味x2.第一個黎到係西芹炒班塊....我食左一塊魚...跟住我亞媽,舅父,亞姨都接住一齊食....佢地己經不約而同地叫大家唔好食...因為條魚d肉"梅"既....跟住叫個西裝友樣既人過黎,同佢講,我地叫佢自己試下.佢只係笑笑口甘拎返兩碟野話好好得得,我地換過比你地....(我真係唔知佢地有無搞錯嘍.)後黎我地換返黎既果碟人人都要好似驗屍甘食,好驚食錯野...再黎時我舅父都問佢地自己有無試架....佢地仍然唔出聲一直笑甘話呢碟岩岩切好出黎架拉....(喂,你甘既反應白痴都知你無食過且明知碟野係有問題架啦....)
隨後我地食既野都要好小心同真係好好"品質"佢地整出黎既野嘍....由於甘既緣故,每碟菜我都要食前要睇下---黎左苦瓜牛肉,食之前要睇下牛肉個樣得唔得...食下有無怪....但我食果塊牛肉明顯係有一邊唔熟嘍....(佢d肉明顯係好軟,我肯定有落鬆肉粉.....呢樣野都估到架啦...但唔該唔熟都唔好話唔熟到一個生肉樣嘍....)
另外由於我舅母他們上次覺得食個生炒骨都好好,所以都有叫,但係黎到大家都覺得個味道比以前差左,至少我覺得無甘多汁...
後黎到蒸蒜班片....唉.....都唔係話好架啦....但你明顯睇到果碟野好多蒜蓉.....多到你會覺得有d古怪.....我無食....唔係好敢....
今餐我唯一食得多d既係蒸水蛋.....算係正常...
最後話有甜品送,本來話有紅豆沙,但係後黎又話無晒,只餘生果盤----其實係西瓜盤....
我地叫左:大班兩味x2(即四碟),蒜蓉莧菜,蒸水蛋,苦瓜牛肉,一個我唔知咩既湯(佢地叫既,ok啦),生炒骨,鮮之竹時蔬(其實都係莧菜),豉椒蒸帶子釀豆付(都可以,但個帶子太細粒,真係手指公甘大....),叫左三個粥三個飯(因為早上拜山食得太多燒肉所以大家都唔係話甘肚餓~)
應該得甘多....
共1205.5元/11位
得啦....我肯定我下次唔會黎食.....
Post
