Video
Read full review
2021-05-26
29 views
已經成年幾兩年無得去旅行，香港同新加坡個旅遊氣泡爆完又爆，始終未能成事。一直都好想去新加坡食胡椒蟹，只好約朋友去呢間食蟹既專門店過下口癮。胡椒辣蟹一上檯已經聞到好香，急不及待要開黎食，舔到個殼既汁已經知好味。 蟹肉鮮甜厚肉，一絲絲蟹肉好結實，一啲都唔會削，仲食到鮮味既蟹汁，加上黑胡椒同洋蔥好惹味，微辣又香口，好岩送飯。原來叫蟹既客人都會送半隻污糟雞，污糟雞用上榨菜同紅棗、荷菜蒸成，賣相一啲都唔污糟，仲好清新，雞肉吸收左紅棗味好香，肉質嫩滑。豉椒炒蜆用上蒜蓉、豆豉、薑片同辣椒炒香，個汁惹味又唔太咸，蜆肉肥美多汁，而且乾淨無沙，真係幾正！比較驚喜既係啫啫蝦醬通菜，用煲仔上檯，一黎已經咋咋聲，加上蝦醬味好香，仲有D豬肉粒，通菜入口仲有少少豬油香味，好有鑊氣！以食海鮮黎講價錢唔貴，比起山長水遠去食海鮮，加上小菜又有鑊氣，值得再食！
胡椒辣蟹一上檯已經聞到好香，急不及待要開黎食，舔到個殼既汁已經知好味。
蟹肉鮮甜厚肉，一絲絲蟹肉好結實，一啲都唔會削，仲食到鮮味既蟹汁，加上黑胡椒同洋蔥好惹味，微辣又香口，好岩送飯。
原來叫蟹既客人都會送半隻污糟雞，污糟雞用上榨菜同紅棗、荷菜蒸成，賣相一啲都唔污糟，仲好清新，雞肉吸收左紅棗味好香，肉質嫩滑。
豉椒炒蜆用上蒜蓉、豆豉、薑片同辣椒炒香，個汁惹味又唔太咸，蜆肉肥美多汁，而且乾淨無沙，真係幾正！
比較驚喜既係啫啫蝦醬通菜，用煲仔上檯，一黎已經咋咋聲，加上蝦醬味好香，仲有D豬肉粒，通菜入口仲有少少豬油香味，好有鑊氣！
以食海鮮黎講價錢唔貴，比起山長水遠去食海鮮，加上小菜又有鑊氣，值得再食！
Post
