八一蕃巴蜀烤魚店 (Portland Street) (Closed)

今日收工同屋企人相約黎太子覓食，太子站D出口一出轉右直行3分鐘就到，平日夜晚黎都好多客，不過唔洗等位，入到黎店員立即招待介紹唔同魚類俾我哋揀，怕多骨既建議揀大骨原條魚，有8種口味選擇，各有特色！佢地另有特色雞煲，鮑魚雞煲、醉雞煲、剁椒雞煲、泡椒雞煲，中意食雞煲既可以黎試下，見都幾多人食，岩哂中意惹味香口既人。除左招牌烤魚同雞煲外，仲有小炒類，涼拌小吃和串燒。由於即叫即烤鮮魚，所以坐低就要即刻叫喇之後可以慢慢點埋小炒、小食、串燒，呢幾樣上菜都正常速度，可以食住先泡椒味烤魚原條鱸魚大大條，新鮮經烤過既魚同坊間只炸熟既魚，食落唔同口感，烤過既魚皮配上滿佈老干媽風味既豆豉食落非常香口，魚油滲出湯底，令整個湯底更有鮮味。泡椒和大紅袍辣椒佈滿整條魚面，我哋叫左小辣，下面有卡式爐熱住，真係越食越想食，好過癮！烤魚旁邊配有小量配菜，薯粉、新鮮腐皮、豆芽、芹菜。2個人食都好夠食👍燒白蟮白蟮十分新鮮肉質爽彈，用燒汁配搭得宜，店員話下次為我哋用鹽燒，相信會更突顯出白蟮既鮮味，就好似傳統日式既製作方法。大汗羊肉串羊肉味道不羶，調味香得黎唔會太咸，仍食到羊肉鮮味，而且啖啖肉都幾大串，脂肪不多卻帶有羊脂香氣，製作