合益泰小食 (Under Renovation)

店既阿姐服務參差，有個係轉台時，將我全杯新既豆漿倒左，勁浪費囉，用下腦都知點會有人成杯未用走左呀👺好彩有個阿姐好好多，格左15分鐘，話裝翻杯俾我。間店因爲之前裝過修，梗係開支轉嫁比消費者啦，腸粉較之前貴一倍，係10蚊起，好彩味道無唔同。臨收工有個阿姐好大方，所以俾多D我，蘿蔔好甜，魚蛋係粉蛋，豬皮都爽但有D黑，咖喱汁好好好好好稀，普通。一碟廿八蚊呢三寶。只能成追憶，無咩再想翻食既衝動啦，果然細路仔對食既要求會低D！注意：廁所自居塞左，食客自求多福。