一開始睇餐牌都冇講，到落order嘅時候先講話每一款要兩串兩串咁嗌 （可能我哋兩個都睇唔到Menu有寫啦），好啦咁由佢啦，唔通行出去咩。
首先嗰兩串雞嚟到，份量唔係話特別大，都又再由佢。點知下一疊個鱔魚上嚟，真係眼都突埋！擦膠咁細舊？！好似求其俾少少嘢敷衍下你咁，大佬啊可唔可以唔好咁寒酸，件事好唔得體，隻碟細過你手心，一開始仲同男朋友講嗌咁多串，張豆膶咁細嘅枱會唔會擺唔落，點知原來個份量細到咁，講緊係嗰兩串嘅份量應該只可以combine當係一串🙄🙄🙄（抱歉唔係一個foodie, 本身亦冇打算寫食評，所以從來冇影相，可以參考其他人嗰啲）
他們的王牌雞肉棒，我和男朋友都覺得很失望，感覺像免治雞肉加醬油。雞翼方面，比較淡和老。魚方面，油份有點過多。
自問我都唔係大食，同男朋友兩個人食，食得個六七成飽都已經$1,5xx ，每樣嘢都係迷你版。好啦我當你行精緻路線，吖佢又唔係好食㗎喎😀😀😀
價錢： 貴
分量：細
食物質素：非常一般
性價比：低。係非常低呀媽咪
