棠記海鮮小廚

Open Now

Now Closed

煮咗幾日飯，煮到個人悶悶地，都係落街搵嘢食！首選梗係茶餐廳啦平靚正👍🏻簡簡單單叫咗個乾炒牛河，同埋星洲炒米。呢兩樣嘢雖然普通簡單，但最容易使得出個廚得唔得！乾炒牛河 $88味道夠，顏色都夠，口感焦脆但唔會好油，係乾炒牛河嘅基本。配菜同河粉分量均勻，每一啖都好足料，芽菜洋蔥牛肉但絲夾雜口感豐富。星洲炒米 $88啲蝦好大隻，外面好小會比咁多隻蝦。仲有大大條既叉燒。咖喱粉炒得均勻食果時唔會食到d未溶既咖喱粉👍🏻配料好豐富而且非常爽口，韭黃叉燒芽菜蛋絲全部比咖喱粉吵到好惹味。結論係呢個廚房都靠得住👍🏻見佢餐牌都好多唔同嘅嘢食😋下次唔想煮飯就有地方食飯啦！