TOSS 蘇媽.蘇媽

Open Now

Now Closed

好奇怪行過必定有人等位 所以今晚要去食吓有咩咁好食，五點半去到都要等位，問你旨未？‘’招牌砂煲老鼠粉‘’見到招牌就點嚟食應該冇乜錯，食落果然係得，老鼠粉同銀針粉極似，配上蝦乾、魚乾、肉碎、豬油渣、蔥同乾蒜，仲有一隻生雞蛋，侍應教打落煲撈嚟食，又香又惹味，好好味！‘’招牌肉骨茶（一字骨）‘’另一個寫住招牌嘅菜式，揀咗一字骨，香濃嘅藥材味，入面好足料，一字骨唔會嚡口，係我喺香港食過最好味嘅肉骨茶！‘’甲必丹咖哩炸雞鎚‘’叫咗之後上網睇吓咩叫甲必丹，同傳統咖哩嘅分別主要係用嘅香料，更重大馬味道，食落有小小辣，幾開胃，炸雞鎚外脆內嫩，唔怪得個仔食唔停！！“美祿恐龍‘’美祿加埋美祿波波，大人小朋友一定都會鍾意飲！“三色拉茶”底層係椰糖漿，中層係奶加埋上層奶茶，混埋一齊，又香又滑！真係一間下次必定再食嘅食店！