天星雲南米線

Open Now

Now Closed

見無人等位，就行入去試下，叫酸麻辣湯底，餸叫蘿蔔豬軟骨，好酸好難食，食得出放咗好多醋，建議放返d酸菜落去吊味呀唔該。湯底無乜特色，酸同淡茂茂，蘿蔔無味。其實唔明點解網上咁多人講，完全唔係果回事。環境方面，好窄好逼，呢個都唔緊要，搭台都唔緊要，坐四人台搭台係正常，坐二人台再搭台坐對面，對面食客一索D粉，d汁彈曬過對面😓，其實唔怪食客，食粉面就預咗會有汁，但大佬，你間店明知d台咁細就唔好二人台再搭台啦，今時今日大家咁注重衛生既年頭。我食過咁多店，二人台坐咗人通常都唔會再安排入客，或者人地中間會放塊板。