天星雲南米線

Open Now

Now Closed

見佢依家都可以擴張，應該味道真係唔錯，lunch time就一班人去試下去到好好彩即刻有位，唔洗喺炎熱嘅天氣下排隊。同檯分別叫左沙爹麻辣，酸辣，醉雞米線。同埋必叫嘅豬軟骨落單後，無幾耐陸續上台，份量驚人，仲配有大量芫荽😍芫荽愛好者極度開心，而醉雞米線，雞肉另上，但係都好足料。豬軟骨份量大到筷子都夾唔穩，有足足兩大塊酸辣同沙爹麻辣湯底都非常濃郁同惹味，沙爹麻辣偏厚重而酸辣就更開胃，兩款都十分推薦米線煮得剛剛好唔會過淋，好有口感。同埋整體食完不會口乾舌燥，唔洗不斷飲水

之前聽同事介紹過，終於有機會過來食！14:00左右去到，都要等10-15分鐘試咗佢哋嘅麻酸辣湯底（微辣）～麻味夠、酸味足，飲落開胃之餘唔會辣到好辛苦！最驚喜係落咗好多芫茜，湯底夠足料👌🏻配料方面揀咗豆卜同黃金墨魚餅～豆卜吸晒湯汁，非常入味😋魚餅都幾彈牙！另外見到有食評話食完呢間唔會生暗瘡，暫時我食咗兩日又真係冇喎😆（再觀察多幾日先可以下定論哈哈）

總結： 天星雲南米線二人套餐整體表現出色，米線湯底有層次，配料豐富而味道到位，小食亦有驚喜，飲品稍遜但不致影響整體體驗。環境雖普通但尚算整潔，服務亦算得體。性價比不錯，值得推薦。叫左嘅食物有：- 天星二人套餐（HK$180）- 第一碗小鍋米線（豬軟骨、酸菜、雞肉，中辣酸麻辣湯底）- 湯底酸麻辣三味均衡，中辣程度恰到好處，刺激感適中又唔會太嗆。- 豬軟骨炆得夠腍，有膠質感；雞肉嫩滑，與酸菜配搭有層次，增添開胃感。- 米線煙韌掛湯，口感理想。- 第二碗小鍋米線（脆肉鯛魚片、金錢肚，大辣麻辣湯底，轉左薯粉）- 湯底辣味明顯，麻香突出但唔會蓋過原材料風味。- 薯粉稍淋，口感不太理想。- 鯛魚片外脆內嫩，口感特別；金錢肚炆得入味，爽口彈牙。- 整體組合豐富，辣得過癮。- 小食：涼拌豬耳 & 墨魚春卷- 涼拌豬耳爽口有咬口，醋香同麻油味道適中，開胃效果好。- 墨魚春卷外皮香脆，墨魚彈牙，味道突出，令人驚喜。- 飲品：涷鴛鴦 & 涷朱古力- 雖然味道一般，涷鴛鴦偏淡，涷朱古力甜度普通，但作為配餐飲品仍屬可接受範圍。環境： 整體環境一般，坐位安排雖不擠迫，但裝潢簡約，氣氛偏平淡。服務： 店員態度正常，

見無人等位，就行入去試下，叫酸麻辣湯底，餸叫蘿蔔豬軟骨，好酸好難食，食得出放咗好多醋，建議放返d酸菜落去吊味呀唔該。湯底無乜特色，酸同淡茂茂，蘿蔔無味。其實唔明點解網上咁多人講，完全唔係果回事。環境方面，好窄好逼，呢個都唔緊要，搭台都唔緊要，坐四人台搭台係正常，坐二人台再搭台坐對面，對面食客一索D粉，d汁彈曬過對面😓，其實唔怪食客，食粉面就預咗會有汁，但大佬，你間店明知d台咁細就唔好二人台再搭台啦，今時今日大家咁注重衛生既年頭。我食過咁多店，二人台坐咗人通常都唔會再安排入客，或者人地中間會放塊板。

幾咗不下10次，次次都係食係自選熱拌涼皮，知熟哂有咩配料。今次漏咗落花生，同位事頭婆講返：漏咗，佢答我：涼拌先有😂😂😂，食開㗎喎師姐。仲同我講我要嘅就俾我。心諗：你個code有得走花生㗎喎🤨講到好似唔洗錢送係我咁。臨走叫個外賣，叫個涼拌豬軟骨鯛魚薯粉，再另加14蚊豬軟骨。都怪自己顧住同朋友吹水無check個外賣。返到屋企見到個外賣：鯛魚游走咗，豬軟骨應該兩份4條變得一份2條。厨房呢排應該係好忙，又可能係我運滯，兩個麵都出事。不過豬軟骨仍然好味因為無特別影相做証，避免被懷疑老作，我係6月5號下午2左右入座枱號c13?定c15?堂食兩個麵加一外賣，2:45左右埋單㗎

睇下你叫乜食啦，並唔係咁神級啫🤭🐑酸辣湯底多酸，夠晒濃郁，酸味亦足。🐑腩肉肥瘦相間，口感好爽。🐑招牌金錢肚，炆得好入味。🐑墨魚春卷味道都唔錯，質感如果要形容的話，就似係用墨肉做嘅炸魚片咁啦。偷咗老婆嗰碗少少餸：🐑白蘿蔔有渣，唔係好夠甜。🐑炸醬屬正常，冇乜特別。🐑鯛魚片雖然好滑，但係啤水啤到冇晒味。

這次在天星雲南米線用餐整體體驗相當滿意。店鋪位於市中心，環境乾淨舒適，適合朋友小聚。點了一份米線小辣，搭配竹笙、萵筍、滷水蛋和香菜，味道清新又有層次。米線滑嫩有彈性，湯頭清淡而不失鮮美，微微的辣味恰到好處，讓人感受到南方米線的特色。竹笙口感爽脆，增添了不少層次感；萵筍則清脆可口，帶來一股清新的味道。滷水蛋鹹香入味，蛋黃濃郁，與米線搭配十分完美。香菜的香氣提味，讓整體風味更加豐富。價格合理，兩人用餐約一百多元，性價比不錯。整體來說，天星雲南米線的菜品新鮮，味道純正，讓人感受到地道的雲南風味。若喜愛米線或想嚐試不同的南方美食，這裡絕對值得一試。

米線食得多嘞， 米線食完之后，十間實有九間好容易上火兼塊面出大瘡。呢間嘢隔日都冇事，化學嘢加得多，實口渴牙肉腫上火就必然嘅，竟然呢間天星食完咩事都冇。大腸偏軟腍，浸到爛曬頭尾大腸，唔選擇唔啱我口味。墨魚春卷好食，必食吖。 墨月餅唔好揀啦， 墨月餅系包裝食品貨嘅 ，哇，不點。腩肉切到薄薄片，咬落去煙靭，不過腦水味唔夠。偏喜愛佢嘅紅薯粉。加8蚊， 有杯凍檸檬茶，抵

小編今日來到旺角一間米線店「天星」，米線店成為「香港米線關注組」的熱門米線小店，主打湯底有麻辣、酸麻辣、清湯、胡椒豬肚及番茄，有超過30款配料，如豬頸肉、腩肉、冬菇、金錢肚等，任君選擇🧡 招牌米線有包括黃立倉米線和酸麻辣台灣鴨血豬軟骨小鍋米線，米線控不能錯過的人氣熱點🙌🏻「3餸酸麻辣小窩米線（小小辣）」選了招牌腩肉、金錢肚及冬菇，小窩米線靈酸麻辣湯底，有韭菜、酸菜、芽菜及肉碎，肉碎自帶醬香味道，湯底配菜足料豐富🧡 湯頭酸中帶麻，麻中帶辣🌶️ 招牌腩肉肥瘦均勻，肉質軟嫩且充滿滷水肉香🐷 金錢肚口感彈牙帶嚼勁，層次感十足✨冬菇口感厚實啖啖肉，吃得夠過癮🔥🍽 ：小窩米線+3餸👅好味指數：8.25/10💰消費：HK$67（小窩米線HK$34；+HK$12招牌腩肉；+HK$12錢錢肚；+HK$9冬菇）📍 地址：天星雲南米線 (旺角)旺角砵蘭街136號地舖

當日經過 不用排長龍 所以去試一試店內坐位可以話係非常擠擁 叫左一個二人餐分別有一碗清湯米線配墨魚春卷及蘿蔔；一碗麻酸辣（小辣）豬軟骨及鴨血；兩個小食為麻辣青瓜及另一個墨魚小食及兩杯凍飲，兩個人食左180蚊。米線彈牙，湯濃味，豬軟骨有兩大條，又淋又入味，大推！蘿蔔都好甜，好大塊！小食都好好味，青瓜非常爽脆！總結：推薦一定要試豬軟骨，見好多食客都有叫金錢肚同豬扒，下次可以再試！（如果唔駛排隊）唔叫二人餐，一碗叫三個餸可能更好！

琴日同朋友一齊去咗食天星米線，第一次食又幾好食，介紹咗我食小鍋米線，因為本身都鍾意食，所以就揀咗大辣，個方面我揀咗豬腩肉，豬軟骨，豬軟骨因為朋友介紹，嚟到覺得個米線份量啱啱好，米線唔會太林，個辣度大辣嚟講都算幾辣，但係我都食到，豬腩肉好好食，好夠味，豬軟骨係好腍好大嚿好足料

今日食：$68 魚片墨魚春卷米線（麻辣）+ 凍檸茶走甜鍾意食酸辣、麻辣米線嘅，一定要試天星！！我都好鍾意食米線，而天星就係我有時心郁郁諗起會想食嘅存在。湯底一流，餸就有好好食嘅，亦都有一小部份一般。唔知食咩好的話，可以食佢嘅套餐，做得套餐嘅都唔錯。湯底未食已經聞到陣陣嘅麻香。不論係酸辣定係麻辣我覺得都好食！而且啲餸都比較入味，例如今次食魚片，唔會淡茂茂咁，而係都會食到湯底嘅麻辣味。點評一下我食過嘅餸墨魚春卷：好食！彈牙，味道都好好，有墨魚味又有湯底味魚片：好食！新鮮彈牙，入味唔腥，不過食起嚟有小骨刺，要小心雞肉：唔好食。對標譚仔雞肉，米線嚟講，我覺得雞肉最好食嘅係譚仔。有啲餐廳嘅雞肉感覺有啲冷藏味，口感又唔好。比較之下，雞肉唔會再試響鈴：一般般環境淺窄，peak hour 多人排隊，不過覺得值既綜合嚟講，會一食再食！！當然食過唔好味嘅餸，就唔會再試

🍜 小鍋米線 HK$80＞酸麻辣湯底小辣，招牌腩肉、豬軟骨、墨魚春卷、蘿蔔・味道：湯底嘅酸、麻、辣都好足夠👍🏻，係油咗啲～腩肉肥瘦均稱夠入味🥩，墨魚春卷食到彈牙墨魚粒幾正🦑，豬軟骨唔柴，蘿蔔幾甜冇渣🥕，煲淋啲更好！・口感：米線食到尾都唔會吸湯淋晒，微微彈牙，不錯吃！・・・・・・・・・・・・・・・・・・・・🤰性價比：高～🤰9衝度：9衝～🤰結論：豬軟骨軟腍有膠質，湯底少有地話麻酸辣真係全齊，冇乜邊間米線舖做到㗎😂

旺角 │ 大熱米線但配菜極少😩👉🏻應該算係旺角多人知嘅米線舖頭🥹 睇到網上話幾好就一試、點知配料少到無法接受。可能我叫唔中佢最好食嘅嘢✽ 麻辣豬頸肉米線 $56酸麻辣湯底平心而論幾好食🫡🫡 酸度適中、湯底有少許甜嘅感覺，非常過癮😂😂 豬頸肉同米線分開上 但最唔掂嘅係豬頸肉得5塊🤯🤯 仲要好細份… （見二人餐冇豬頸肉仲以為有幾特別💆🏻‍♀️）✽ 天星過橋米線大大碗 $67酸辣湯正常發揮、適合食唔到辣嘅人一啲都唔大碗😓極其量只係普通份量嘅1.2倍裏面嘅腩肉肥牛都係薄切、煮到非常老🥲✽ 椒鹽炸豬扒米線 $54椒鹽炸豬扒乾&薄切、完。✽炸雞翼*4 $36不過不失🫡但椒鹽味唔夠出食物味道: 𝟼/𝟷𝟶性價比: 𝟺/𝟷𝟶打卡指數: 𝟹/𝟷𝟶價格：約$𝟼𝟶-𝟽𝟶 𝚙𝚙⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ 📌INFO天星雲南米線 地址：旺角砵蘭街136號地舖⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰

2024年最後半個鐘，睇住電視跨年Live Show......唔太能投入，不如寫埋篇食評。「天星」其實想食好耐，但次次去到一係未開門，一係夜晚排十幾人，總係失諸交臂。趁除夕經開旺角，過去一𥄫，居然有位，食喇緊係。店裏好逼夾，真係冇乜位，孭個袋大啲都唔掂。可以用手機QR Code點菜，有啲意外，呢間唔係老店咩，咁新潮㗎？睇牌面以為米線唔使四十幾蚊一碗，但原來係兩餸起，即係叫個韭菜豆卜米線已經要成50......如果餸多，大碗都ok嘅，但事實唔係。論味道，我好重視米線質地，「天星」啲米線係三流貨色，頂多當同普通譚仔打平手。餸、配菜味道ok，腩肉夠味嘅，係薄啲。鯛魚，好薄，冇乜咬口，但係爽脆嘅。聽講豬軟骨最有名，但我𥄫隔籬枱嘅豬軟骨，賣相好一般，冇興趣叫。評埋個湯底，試咗酸辣麻同胡椒麻辣，還可以，麻辣底同譚仔唔同，似似地營盤街某字號嘅「麻椒」。小辣都幾夠辣，唔食得辣嘅朋友小心。總算一了一直想食「一星」嘅心願，但應該冇回頭，啲Quota留返去荃灣食。