鳥居居酒屋

Open Now

Now Closed

見咁多正評，諗住試下，但很失望，經驗好差。串燒一定要兩串一樣咁叫，唔可以只叫一串，我就未去過其他居酒屋係咁既。一開始上刺身，個幾塊三文魚切都未切開哂，個油金魚刺身仲食到有魚鱗。同個侍應講，佢就話去廚房研究下。牛舌係偏薄，每串得三片，沒有檸檬或其他配料附上，仲要逼你至少要兩串，HKD148 得6片牛舌，真係唔值，而好食又平過佢既餐廳真係大把。燒飯團D飯乾到差唔多咬唔開。其他野食很一般。最後俾錢個時，侍應最初無提過魚鱗件事，照比張單我當無事發生過咁。我追問下，佢先話取消一份刺身，話提左廚房，唔好意思。完全唔明佢堆正評點黎。淨叫佢半價餐牌堆野都無咁惱，而佢食物既質素同服務都只係值佢半價之後個個價錢。一叫正價就好唔值啦。仲有佢碟鮮菜沙律細細碟得幾塊野菜同幾條青瓜蘿蔔，一開始擺檯面，原來都收你HKD36。而我食完終於明點解一定要至少兩串咁叫，因為食完第一串中左伏，就真係唔會再叫第二串。很不愉快的用餐經驗，不會再來。