Unar Coffee Company (Closed)

約咗朋友夜晚食飯，但3-4 點又出咗尖咀，行到攰咁點好？  搵個地方坐低嘆杯咖啡是常識吧？一路都聽同事、朋友話大杭有間叫Unar 嘅coffee 好唔錯，但又厭大遠一路都"的"唔起個心肝去。知道佢原來係尖咀都有一間，而家個情況又Fit 到漏油，唔諗啦，即去！因為我唔係準備坐船，都搵咗一陣子，但遠處見到佢大大隻寫住: Dun rush for a ferry, enjoy Unar coffee 就好有感覺，因為我唔應該趕住去飲咖啡，應該係享受搵到正咖啡嘅過程的。佢杯cappuccino 啲泡好滑，都好complicated 嘅味，heavy嘅。因為主要都係做準備上船過海嘅人生意，所以佢地方唔大，都係畀人攞走為主。鋪出面都有兩排櫈畀人坐住嚟飲，有船又可以即閃。我好多時間，所以坐鋪入面，有啲吧臺可以坐係度對住五枝旗杆。仲咁啱有班大媽跳舞，真係爽。