5
0
0
5-min walk from Exit L6, Tsim Sha Tsui MTR Station continue reading
Opening Hours
Mon-Sun: 08:00-17:00
Payment Method
Cash
Other Info
Wi-Fi
Alcoholic Drinks
Delivery
10% Service Charge
Outdoor Seating
Review (5)
Level3 2015-03-14
565 views
約咗朋友夜晚食飯,但3-4 點又出咗尖咀,行到攰咁點好?  搵個地方坐低嘆杯咖啡是常識吧?一路都聽同事、朋友話大杭有間叫Unar 嘅coffee 好唔錯,但又厭大遠一路都"的"唔起個心肝去。知道佢原來係尖咀都有一間,而家個情況又Fit 到漏油,唔諗啦,即去!因為我唔係準備坐船,都搵咗一陣子,但遠處見到佢大大隻寫住: Dun rush for a ferry, enjoy Unar coffee 就好有感覺,因為我唔應該趕住去飲咖啡,應該係享受搵到正咖啡嘅過程的。佢杯cappuccino 啲泡好滑,都好complicated 嘅味,heavy嘅。因為主要都係做準備上船過海嘅人生意,所以佢地方唔大,都係畀人攞走為主。鋪出面都有兩排櫈畀人坐住嚟飲,有船又可以即閃。我好多時間,所以坐鋪入面,有啲吧臺可以坐係度對住五枝旗杆。仲咁啱有班大媽跳舞,真係爽。 continue reading
(The above review is the personal opinion of an user which does not represent OpenRice's point of view.)
Level2 2014-12-13
424 views
只係由尖沙咀坐船到中環路過,確實比佢個shopsign 叫停左,概然係一個人hea, 就停低買杯飲, 我鍾意 cappuccino, 多謝店員發問,我係唔加糖既。 Size 細細但係夠飲,而且係有質素既咖啡香。香滑泡泡拉花,簡單好味,望住外面超級多遊客既碼頭,忽然間覺得呢個係另一個世界。雖然係take away mode 但係都真係想坐一坐。位置兩個,店外有一條長木櫈,膽敢問店員,店員話係屬於佢地的,隨意得黎都幾襯間舖,店内簡單,有少少歐洲式佈置,幾舒服,木bar枱高bar枱櫈,睇得出呢老闆應該唔係為留人而設計,咖啡先係主角吧!唔知店員係唔係老闆?有D cool, 可能係我問題問得太唐突,但有笑容 continue reading
(The above review is the personal opinion of an user which does not represent OpenRice's point of view.)
Level2 2014-05-30
637 views
尚未有時間走入大坑的 Unar 總店嚐咖啡,唯有去他們在尖沙咀天星碼頭的分店試試。這間店鋪的地方雖然不算大,但裝修雅潔,簡約休閒。我叫了一杯 Flat White,咖啡味香濃,和奶的份量亦配合得相當好,一啖一啖慢慢喝下去,令人回味。真的想不到,可以在渡輪碼頭嘆到如此出色的咖啡。 continue reading
(The above review is the personal opinion of an user which does not represent OpenRice's point of view.)
Level4 2014-04-27
681 views
近來愛上坐天星小輪來往港島,從Ivy食評中得知天星碼頭上層開了一家Unar,因利成便又來八一八。咖啡店位處往中環入口,踏上樓梯已見到她的所在,落地玻璃窗引入大量天然光,讓這家最邊陲的咖啡店看來明亮感十足,非常光猛。是日由兩位年青咖啡師坐陣,餐牌上多款咖啡也沒有我想要的短笛,問問咖啡師則說有,那就請來一杯好了,咖啡師如其外型般cool,態度仍是有禮,只是遇上一個比我還沉默的對手,的確是失卻在咖啡店互動樂趣。近距離沒遮攔地看著咖啡完成,咖啡師還先以熱水溫杯,更能保持咖啡熱度。 一向比平日咖啡份量更少的PICCOLO($35)有個簡單的心心,陽光下明顯見到其細氣孔奶泡,對辦。有層豐厚咖啡脂的咖啡,店員說是用來自意大利品牌的豆,較以往飲過的更有烘焙香,濃郁卻較甘苦,在鮮奶份量一向較少情形下,重口味如我也覺得蠻夠勁道,要是加點糖應會好一點,不過仍是不下糖的效果會最佳。店裡除了咖啡只見到這孤獨的Brownie,是只餘這一件??還是只是陳列品???擺明車馬的說"eat me"??下次才食你好了。店裡好像沒有冷氣,空氣有點不流通,反而店外涼風陣陣,似乎更合我這怕熱的月巴客人。 continue reading
(The above review is the personal opinion of an user which does not represent OpenRice's point of view.)
Level4 2014-03-17
1002 views
上兩個星期日,有朋友約我去長洲賞櫻花!  大家約在中環 5 號碼頭等。我覺得由尖沙咀天星碼頭搭船到中環 7 號碼頭,行過去 5 號碼頭會比較方便! 恰巧!走到往中環方向的尖沙咀天星碼頭,見到一間咖啡店 Unar Coffee!  這間 Unar Coffee 自2011年於大坑開設首間咖啡店;最近,在尖沙咀天星碼頭開設第二分店,真是可喜可賀! 由於,當日時間太倉促!  來不及慢慢品嚐咖啡!只好留待一天提早超過半小時出門口,才走來幫襯吧! 趁今天天氣回暖,加上天色算光!又好眼瞓!所以,提早 45 分鐘出門口,走來幫襯 Unar Coffee!  剛剛是咖啡店的 Grand opening! 位置相當便利!  比 Mc Cafe 更方便搭船的乘客!可是,船上有講播不准飲食啊! 設於天星碼頭,日間透光度十足!感覺悠閒!  讓咖啡愛好者享用其咖啡味道之餘,亦令他們感受到遠離繁囂的憩靜!放鬆心情來享受一刻咖啡吧! 店子空間不多,靠窗有一張長木桌,還有一些木椅子;以外賣為主!此外,桌上放置植物,增添生氣! 利用熱火烙於木板上壓製而成的 Menu 入型入格! 供應咖啡款式繁多,令人眼花瞭亂! 店內兩位男店員,都是年輕人!充滿活力幹勁! 以禮待人!服務態度良好! 還讓我試食朱古力曲奇!而且,Barista 弄咖啡很快手!快、靚、正! 來到這裡,當然要試一試咖啡! 同時我又被精緻的曲奇 Gookie Letter 吸引了! Barista 一絲不苟,悉心弄好咖啡!每個工序製作認真!完全感受到他的認真及誠意! Banana Caffe Mocha (8 oz) $40表面有精美的拉花!以紙杯也拉出如此出色的拉花,的確有難度! 咖啡水溫頗熱,咖啡香發揮得淋漓盡致!入口剛好!  綿密細膩的奶泡,令我很滿意!  咖啡香濃之餘亦非常順滑!混合朱古力,多一份甜美感!不用加上咖啡糖已經夠甜!  兩者口味互不相讓!反而,香蕉味卻不突出! 咖啡甚有質素!Gookie Letter $18自家製牛油曲奇以字母 LOVE 及握緊拳頭的外型!獨特有型! 剪開包裝袋,隨即散發牛油香!相當誘人!  食起來鬆脆可口!不過,貴了一點! 飲完這裡的咖啡後,回到公司後直至放工前,我感到心跳加速!  整天感覺不太舒服!為了健康著想,恐怕我不敢再嚐這裡的咖啡! continue reading
(The above review is the personal opinion of an user which does not represent OpenRice's point of view.)