牛陣 (Closed)

日本人食壽喜燒通常都係因為有喜事或大事慶祝！今日係我同男朋友既紀念日，所以佢就帶左我去牛陣食壽喜燒慶祝！壽喜燒係一種日本既特色鍋物料理，牛陣除左有指示教我地點食之外，店員都有提我地要點做一開始要先將雞蛋打匀備用，然後 將牛油脂肪放入鍋塗匀，之後放下洋蔥、京蔥炒香，跟住就可以放牛肉，煎香後加少少壽喜燒湯汁，最後將肉沾上蛋汁享用。甘甜嘅壽喜燒汁，同牛肉真係絕配，點埋蛋汁就更加滑，好似入口即溶咁，超正！ 食完壽喜燒後，可以將肉、菜、冬菇、燒豆腐、芋絲放入鍋中，再加上壽喜燒湯汁同清湯，就可以用黎打邊爐。外邊仲有好多配料可以拎最後仲可以任食雪糕，仲要係haagen dazs!!!!!