牛陣 (Closed)

最愛酸酸辣辣既我 冬蔭公都係我的♥️牛陣做緊 — 夏の美鍋 冬蔭功鍋！只要食到主餐牌$219或以上既餐 就可以有得用冬蔭功湯黎打邊爐喇🤤🤤🤤 仲唔即刻衝去食咩🤩🤩你以為淨係有得食咩？ 佢仲有得玩 ☝🏻點解？！ 因為佢可以俾你自己炒香湯料架🤣首先會俾塊和牛脂肪你自己爆香啲海鮮同香料 再加湯 爆香果陣 真係香噴噴架 （諗起都流口水🤤）除左出面可以任食既火鍋料 佢跟餐仲多個蔬菜盆 我勁鍾意食佢裡面個青木瓜絲😍 食飽飽仲有得參加泰be happy大抽獎頭獎 係雙人來回曼谷商務艙機票連5星級酒店四日三夜阿

唔知大家有無聽過乜野叫生酮飲食, 即係人稱食肉減肥法, 就即係除咗糖同澱粉之外, 其餘乜都食得, 難得中秋放假就同老婆兩個出去搵食, 但香港想搵間生酮餐廳真係有啲難度, 打邊爐係一個唔錯啲選擇, 淨食肉, 少醬少汁又可以好食嘅就一定係食和牛喇, 今日我哋就去咗旺角牛陣打邊爐, 淨係ORDER咗黑毛和牛同牛舌, 打邊爐啲肉靚已經嬴咗一半, 加埋個湯頭夾的食材就嬴晒：粙子湯其實個湯有啲清, 有少許粙子甜味, 加清新感, 淨食牛肉係幾夾, 唔會太油膩, 好啱生酮飲食人事食用。黑毛和牛油花雖然唔係最靚最頂級, 但208位, 啲牛入口即熔, 有和牛油香, 再配粙子湯嘅清新感, 減少牛騷味, 係好食嘅。牛舌薄切, 無渣, 爽口, 有牛舌味, 一口一片, 好食。是日兩位食咗九碟黑毛和年, 兩碟牛舌, 再加的菜, 係抵食嘅, 自己要料, 460都買唔到咁多份量嘅黑毛和牛, 如果淨係食和牛係抵嘅。

牛陣之前都食過，但個時未有依個湯底，今日我同媽咪食左個東陰公湯底，幾得意又幾好味。每位$219，有嘢飲有海鮮有牛肉牛舌食。出面仲有自助吧，有好多唔同嘅嘢食，我最覺得特別嘅係呢度有雨衣甘藍食。講返個湯底先，呢個湯底要自己落手做嘅，材料當然係佢哋提供啦。一開始我就煎一煎夠豬油先，再將蝦同埋魷魚煎香煎熟，然後加湯，再將自己喜好嘅配料加落去，我個人鍾意食有酸味嘅冬陰公，所以落多啲青檸汁，同落晒啲車厘茄。牛嘅色水都唔差，可能有少少薄，但勝在任食，嗌多幾碟喺返度，牛肉味道正常。牛舌其實都係一個主角，感覺打邊爐嘅地方好少有得任食牛舌，依度可以，加上味道唔差。海鮮有蠔，帆立貝同魷魚。啲蠔都大隻架。總結：價錢合理，食物質素唔差，湯底要自己involve下係幾得意嘅。

生日週當然要食好西，呢次就有媽咪嘅加持，所以就可以去食得好啲。同媽咪嚟到牛陣打邊爐，仲要叫嘅係澳洲上級牛肉加新出嘅冬陰公湯底。一開始我以為冬陰公湯底一定會又辣又鹹， 會蓋過晒食物嘅原味。但我後來發現無論我去落好薄嘅牛肉，定係好好食嘅牛舌，牛嘅味道唔單止冇被蓋着，反而去咗我平時麻麻哋嘅肉味。店員就教我地一開始用牛嘅脂肪落去炒熱啲海鮮。都有蝦同埋有魷魚㗎，之後仲可以任加。然後我哋就落咗冬陰公湯入去做個鍋底，佢個樽好靚令我好有食泰國菜嘅感覺～我仲叫左支泰國啤酒，慶祝生日當然要食得盡啲😌😌🤪即使平時唔係飲開啤酒的人都容易入口，利申我飲開白啤嘅其實出邊材料區仲有好多唔同嘅配料，我媽咪就超級鍾意呢個蟲草花

#牛陣🐮放工後極肚餓所以任食係首選。本身打算食日式放題，不過經過牛陣就見到佢出左冬陰公湯底🤤就咁就比佢吸引左。🙆🏻‍♀️冬蔭功湯底+榖飼上級⽜肉套餐🙆🏻‍♀️點完餐後一壺冬陰公湯底同一盤配料就隨即送上。首先落牛脂肪爆下鑊，煎蝦🦐同魷魚🦑仔。再落湯，接個人口味加青檸同子彈辣椒🌶️添酸添辣。重口味既我係加哂，微辣酸酸好開胃。仲有💁🏻‍♀️秀珍菇、泰式茄子🍆、泰式青木瓜絲、番茄仔🍅、通菜、莞茜。好豐富。再上埋一set肉肉同海鮮😗1️⃣海鮮2️⃣豚肉3️⃣牛舌4️⃣主角榖飼上級⽜肉。牛舌千其唔多淥過時，會變韌，係🐮仲粉粉地食先會爽的。榖飼上級⽜肉話明係主角，🐮🐮理所當然地咁好食，油脂分布得好平均，肉色好靚。牛味香濃！必食！🤤我地encore左6次，啲牛越食越靚。食過都知大堂有好多配料可以拎啦。菜就首選羽衣甘藍🥬因爲貴菜而且係超級食物(可防癌)，其次係通菜😚同湯底夾。其他配料我覺得白身魚肉都幾好食，無骨唔會腥，腍身但又唔會淥散左。飲品選擇有好多。冬陰公鍋仲可以揀「象啤」😍勁爽爽。最後自己畢埋雪HAAGEN-DAZ糕(有4款)食飽飽，勁滿足！

想0係油尖旺 搵間坐得舒服 食物質素幾好既日式放題牛鍋 選擇唔多， 今晚試呢間！ 員工親切、helpful, 個鍋未黎 個人都覺得舒暢啦！今晚 我地想試特別野啦⋯⋯冬蔭公湯底🤪🤪 唔係黎一個鍋 係黎左一d香料、一個牛脂肪、蝦🦐， 員工細心教我地 起獲、爆香佢，炒幾下...跟住加湯🙀 又有得食 又有得玩😽😽 成件事 唔hea兼講究 其實炒緊蝦果時已經好香 想食左d蝦先囉🤣🤣牛就自不然 正啦⋯⋯食過好多其他放題牛鍋，經驗話俾我知👉🏻牛呢，唔一定有牛味既！😄😄四個人最少叫左16碟， 蠔呢就應該係廣島蠔， 熟左唔會點縮水，嘩....仲有逐海水鮮味呀⋯⋯為左配合泰 X 日 主題： 自助Bar有 香茅茶...消滯又寧神， 一行四人，滿足曬，一定再 Encore👏🏻👏🏻

好耐冇認真打返個邊爐，今日就同朋友黎左旺角牛陣，食香港人既comfort food牛肉火鍋😆呢間牛陣位置好方便，但會比較多遊客。兩個人都座到大卡位，坐得超舒服🤣店員推介呢個冬蔭公湯底，老實講真係未試過用冬蔭公打邊爐，即管試下😂先用牛脂肪煎就出牛油，好香😍再落部分配料煎香佢😆有冬蔭公既常用海鮮👍🏻呢個時候個鍋已經好熱，一落湯就滾起🙈香味會令你非常肚餓，即刻就開始打啦😍一開始已經一枱肉，肉質都幾新鮮好靚。特別推介個豬，非常有豬味又唔臭👍🏻用冬蔭公打邊爐令每樣食物都好香辣，唔洗點豉油都得，正👍🏻👍🏻👍🏻其他任食配料都足料，仲有哈根大師任食，非常完滿😍😋

今晚去左旺角牛陣打邊爐,見到有一新嘅冬蔭功鍋,包左海鮮、牛肉同啤酒,都係賣219,就去試一試佢。原來依個鍋仲有得自己炒下香料同海鮮,店員教我地先煎下肥牛脂肪逼出啲油份,之後放蝦同魷魚去炒香佢,最後加埋冬蔭功湯料就大功告成,店員仲提我地夾返個脂肪出黎,以免太油啦。先講下個湯先,佢係唔辣嘅,岩哂唔食辣嘅人,如果要辣嘅,就可以自行調節,加返適量辣椒落去調教口味。而個湯本身係帶有鮮甜味同微酸嘅,幾岩我胃口。海鮮包左蠔，帆立貝同魷魚,蠔滾完之後係唔會縮水嘅,啖啖肉啖啖蠔味,唔會腥,帆立貝要小心,煮太耐會有啲鞋,掌握得好就係嫩口嘅,魷魚唔會好難咬,夠彈牙同有味。牛肉滾幾滾,冬蔭功味入哂去,所以唔點豉油都已經好有味,牛肉味都慢慢出黎,唔錯。豬肉好有甜味,我覺得係亮點之一,之後都繼續叫多左幾碟食。啤酒任飲，包左asahi同象啤，想有泰國風味啲,可以㨂象啤,唔會苦,少飲嘅人都可以試下。最後甜品就有哈根大師食,有四種口味㨂，完美作結。

今次難得放暑假就同姨生仔同姨生女兩個一齊去食餐好嘅見佢哋今次考試又考得幾好獎勵下佢哋啦....唔好睇小我呢兩個姨生佢哋非常之大食😂😂（可能發育期）所以我決定去食呢間牛陣可以比佢哋任食🙊🙊難得同佢地食餐好嘅梗係唔好慳啦就選擇左澳洲上級牛嘅套餐👍🏻我哋仲選擇左冬陰公湯底，湯底一開頭可以自己選擇配料煎吓個鑊底再加配料然後就落冬陰公湯，職員仲即時放低左四碟澳洲上級牛仲有牛舌，豚肉三款全部都任食咁當然唔使講啦我哋成晚都係咁叫澳洲上級牛😂因為非常之新鮮重牛味兩個姨生都話好好食😋仲要食唔停🤣🤣之後仲可以自己出去任選其他配料,配料非常之多所以唔怕呢度冇嘢唔啱你食🙊🙊最後呢度仲有好美味嘅雪糕都係自助形式要幾多食幾多👏🏻👏🏻👏🏻

今日嚟到旺角行街，順便就喺附近食埋飯先返屋企，老實講平時一個星期都唔會有一日嚟到九龍區，發覺原來九龍區比我想像中購物嘅地方比較多，今日介紹呢間餐廳同我平時會食嘅類別好唔同，呢間係食日式火鍋放題嘅餐廳，餐廳名我相信大家都會熟悉就叫做牛陣，但想同大家講一講今次我哋食嘅湯底同平時食嘅日式火鍋湯底完全不一樣，事不宜遲介紹一下今餐火鍋嘅配料同埋湯底 湯底我哋嗌左呢間間餐廳新出嘅冬陰公湯底，冬陰公湯底其實餐廳會比一啲海鮮我哋DIY，首先店員會教你用和牛嘅脂肪嚟到去起爐，之後再炒香一啲配菜加入海鮮，最後就放入冬陰公湯底 海鮮非常之新鮮蝦亦都好大隻，味道非常之鮮甜，魷魚非常之彈牙，大大隻嘅蠔非常之鮮甜，仲有一口一口嘅扇貝，提提大家我哋叫嘅呢一個種類蠔係可以任食的 澳洲穀飼牛，油脂分布非常之平均，識落非常之有牛肉味同埋有咬口 牛舌非常之爽甜，有咬之餘仲有非常之重嘅牛肉味 餐廳方面會選用任飲嘅方式，所以大家口渴嘅時候都唔使驚啦，最後提提大家你食之前最好預先訂位因為我嚟嘅時候出邊係排晒長龍

因為暑假所以有兩個小保母幫我湊BB，今日為咗慰勞佢哋！特登帶佢哋食好野！佢哋未食過的日式火鍋！因為平時佢哋比較少出街食嘢，所以比佢哋試吓啲新嘢！牛陣我就食過啦，但係泰式火鍋湯底就真係未試過！新嘅而家有一個新出嘅冬陰公湯底而且仲有海鮮，有關嘅蔬菜配料配料做呢個湯底！然後再打邊爐！亦配上泰式辣椒仔同檸檬你，可以控制嘅酸辣到！配合你嘅個人喜好！相信火鍋店可以自己製造湯底都係第一次！👍🏼由於同小朋友食所以我哋冇將佢調多好辣好酸但係本身個湯底味道都好食中適合一家大細食！牛肉方面我哋揀咗澳洲上級長期穀飼牛，細路仔都食得好開心！除左牛肉有豚肉同牛舌可以追加之外仲有海鮮類！而其他配料係可以出邊任食任拎嘅同場仲有炸蝦餅薯塊特色野！雪糕方面係Häagen-Dazs嘅桶裝有四隻味有雲呢拿，綠茶，士多啤梨同埋好似係咖啡！呢個湯底值得一試嘅😋😋

日式火鍋♨️係人都食過，90 分鐘放題都係定律，靚牛🐮、豚肉🐷任你點，啤酒汽水仼你飲，一個價錢食得飽，仲要食得靚，講梗嘅係食放題火題，牛肉都係睇價錢揀級數，我哋揀咗$219嘅澳洲上級穀飼牛餐，岩數之餘仲包埋魷魚🦑、凡立貝、鮮蠔等海鮮無限追加，呢度基本嘅湯底有七種，我哋都冇揀到喎🤪，因為大家都想試下餐廳推介嘅🦑🦐☘️🍋冬蔭公湯底。落左單趁勢睇吓自助區，基本嘅火鍋配料排放得好整齊，另外還有一個泰式嘅角落，提供泰式香茅茶, 泰式紅咖哩，泰式蝦片, 炸雞, 薯格，仲有HAAGEN-DAZ 雪糕任食呀😍😍😍店員先放上一個火鍋🔥，再端來一個泰式蔬菜盤☘️，竹製盤放着的是製作冬蔭公湯的材料，我們按店員講解，先炒香和牛脂肪, 蝦🦐, 魷魚🦑及香料, 最後把湯底注入黑鍋，隨意放入青檸汁🍋、辣椒仔🌶， 我們自己調製酸辣嘅冬蔭公湯真係好好味啊。酸酸辣辣嘅冬蔭公湯，配牛肉，海鮮都好襯，特別係啲香料，惹味又醒神，☀️夏天食火煱揀佢做湯底原來咁正👍👍👍。食火鍋最開心係擺到一枱都係，黑豚肉🐷、和牛🥩淥兩淥就食得， 豬同牛都肉味濃郁，非常新鮮，滲著酸酸辣辣嘅湯汁，特別開胃，我哋三盤三盤咁order，店員爽手無甩底，密集式地奉

旺角朗豪坊對面，文華商場三樓嘅「牛陣」，喺地鐵站行過嚟只需兩三分鐘，今晚約咗三兩知己，一於食吓火鍋，聚下舊🤗呢間火鍋店一向都好旺場，等左二十分鐘左右先至有位！我地揀左冬陰公鍋底，嘆澳洲🦘上級穀飼牛，$219一位，任飲任食😬最有特色就係可以D.I.Y.冬陰公湯底，佢會比晒啲應該有嘅材料俾你，然後用牛脂肪起鑊，將材料爆香，再加入湯底，好玩又過癮，嘩！好香好惹味，聞到都流口水🤤喺等待佢滾嘅時候，店員已經拎左第1⃣️Round 嘅火鍋配料俾我哋，成張枱都擺到滿晒😀呢個時候，就梗係把握時間，出去自助區揀啲啱自己嘅火鍋料啦，香茅茶,、紅咖哩、米飯、蝦片、泰式蝦片,、炸雞,、薯格，林林總總，各適其適，梗有幾款啱自己嘅👍🏻配料方面，我個人覺得，無論豬、牛或其他配料，全部都非常新鮮，絕對唔係求求其食飽你就算，可以講話質素非常高，仲有海鮮配料，生蠔、帆立貝，都係可以無限追加👍🏻食火鍋，點可以冇啤酒🍻，呢度提供泰國象啤任飲，淡口又清新，打邊爐真係好匹配😍如果自認食得辣嘅朋友，佢哋提供嘅子彈椒🌶️，就一定要試吓，咪話我唔提你，真係食得辣先至好試呀😬三五知己，打邊爐，吹下水、Hea下，開開心心的一個晚上，正😍

牛陣食過以為得日本火鍋，點知新出左個冬蔭功鍋！😱🦐啱晒近排又悶又熱嘅天氣💦所以一於一試！.🍲任食冬蔭功鍋 $219大人 $99小朋友 (4/5)哈，唔講以為入左泰國舖，店員拎左一盆泰國菜配料 (冬蔭功湯一大樽、泰國茄子、辣椒、通菜、蝦、菇、肥豬肉等)俾你先影下相，然後會教你用肥豬肉起鑊，再淋上冬蔭功湯，煲滾就開始打邊爐😍🔥真係好玩又好食啊.講翻個個$219任食冬蔭功火鍋，除左一啲必備冬蔭功配料外，其他全部任食😍🤟抵.1️⃣肉類：澳洲上級長期穀飼牛套餐澳洲上級長期榖飼牛，講明純種安格斯黑牛，不含激素及非基因改造。食落真係好有牛味，油脂分明🤪另外，仲包上級牛肉、牛肉、豬柳肉、牛舌同豬肋肉，一次過可以食唔同款肉，正！.2️⃣海鮮類：大滿足套餐只要晚市套餐$219或以上，就可以免費🆓享有廣島蠔、帆立貝、原隻魷魚仔🦑，食多幾隻廣島蠔都回本啦😝.3️⃣蔬菜🥬及咩都有啲類出現有個buffet bar，真係乜都有得拎，大量蔬菜菇瓜，有啲唔係間間火鍋🍲店有嘅野都有，例如萵筍、羽衣甘藍、秋葵、蟲草花、豆皮結😱我梗係taregt食依啲野啦🤟🤪仲有丸類、麵類、雞件、魚！選擇多又新鮮！性價比高！. 4️⃣飲品類飲品汽水任飲！特

好耐冇去過牛陣打邊爐, 就諗住帶埋媽咪擦返餐！我哋去咗最近嘅旺角分店食. 坐低嗰陣選擇湯底嗰時有員工好殷勤咁行過嚟介紹, 佢極力推介新推出嘅冬陰功湯底, 佢話係十分正宗嘅, 咁咪試試囉 ! 首先用一嚿豬脂肪搽上鍋底,每一個表面都有一啲油. 之後就可以用鮮蝦同埋魷魚去炒到個窩滲透海鮮嘅香味, 店員再加一啲冬陰功湯底之後, 叫我哋將芫茜等比較香嘅菜類, 以及香菇等煲香個湯就可以打邊爐了！呢個冬陰功湯底酸酸尾尾有少少辣十分開胃, 辣度可以自己調教因為有好多唔同款式嘅辣椒可以畀你自己放幾多粒都得, 而且配料實在太多令到個湯底好夠香濃, 今次我哋食嘅都係澳洲穀飼上級牛肉, menu寫都係長期以穀物位置純天然黑牛, 佢哋係不含激素非基因改造可以放心食用, 其味道香濃豐富細膩, 如果219蚊穀飼任食育牛肉真係好抵! 另外可以任嗌優質豬肉同埋牛舌添!外面嘅配料十足,睇蔬菜已經有唐生菜娃娃菜羽衣甘藍同埋大受歡迎嘅通菜, 畀個貼士大家ar, 呢個冬陰功湯底十分match! 另外菇類都有三款例如金菇冬菇同海鮮菇, 多款嘅肉丸類, 麵類, 蕃茄, 雲耳, 秋葵, 蟲草花等健康食物, 真係花多眼亂. 另外我