見到門外易拉架的下午茶餐餐牌，無異於一般餐廳，完全不像以蕃茄為主打！蕃茄湯麵似是淪為了配角，湯底還可選蕃茄濃湯或牛乳雞湯。餐牌跟大埔店的大相逕庭！不過既然都來到，而且新店開張，還是決定和親戚們一起吃個下午茶吧！
我選了香煎雞扒+雞肉腸+餐肉配輕食版湯粉，再加$8配炒蛋多士。湯粉就是我最愛的蕃茄濃湯螺絲粉！由於和婆婆share來吃，就沒加辣，只點了原味！蕃茄濃湯能保持到我平時吃到的水準，蕃茄湯底又濃又香甜！！炒蛋尚算滑，不會炒得太老。多士夠脆，但size比較細件～～雞肉腸及餐肉質素正常，不會太鹹，而雞扒煎得外皮香脆肉嫩，能保持肉汁！
和風吉列豬扒漢堡，餡料有吉列豬扒﹑洋蔥﹑野菌﹑生菜和蕃茄。意想不到的又幾好味
吉列豬扒好香脆，洋蔥又炒得好香，醬汁味道幾惹味，而整份漢堡又不會太乾身！！其他配料有助增添口感豐富度，野菌亦令漢堡多了份菇菌香！！粗薯條夠熱夠脆身，好香薯仔味而不鹹！！日式牛肉飯堡蛋包飯，加$20配套餐，包一杯飲品及小食。小食選了日式七味香炸花枝丸。飲品選了特飲而另加$8！
日式七味香炸花枝丸，花枝丸份量不多，幾香脆，靠七味粉帶出味道～～質素普通！
日式牛肉飯堡蛋包飯，雖然要$98份，但份量及質素都對得住價錢！！蛋包飯內用的是茄汁底炒飯，炒蛋不會太老，加上面頭的芝士醬，好滋味！！牛肉漢堡切開有驚喜
中間有芝士！！！牛肉漢堡厚身，質感軟稔得來又帶點咬口，而且帶有肉汁不乾身，連著芝士的部份寧舍美味！！
凍朱古力脆脆好好飲，比起我那杯凍阿華田好飲！華田不夠香濃，奶味偏重。凍朱古力脆脆，面層有忌廉，朱古力味濃得來又不會太甜，脆脆是不會溶掉的朱古力，醇香好味！！
新都城這間蕃滿門像是跳出既有的框架，看似不是以蕃茄為主打，但這幾道菜式都有蕃茄的元素滲入其中！但價錢也略略偏貴一點啊！！再加上新店開張，店內人手不太足，不論等位﹑點餐﹑結帳都要花一點時間，這仍能熟解的～～
