Video
Read full review
2020-02-24
62 views
▾【鬼金棒】如果唔係去過新宿排兩次隊都唔識食呢一間咁好味嘅拉麵店。冇錯係喺香港都開咗一段時間嘅鬼金棒我居然唔識，仲分別兩次去東京本店排過兩次隊食，排隊嘅意思係差唔多排咗一個鐘隊。（下圖為日本本店圖）返到嚟香港第一次居然係喺銅鑼灣見到，第二次連尖沙咀都見到。講真我唔係一個好緊貼潮流嘅人，但係呢一間鬼金棒真係好好食。講咗咁耐究竟要有幾好食呢？就係佢夠！鑊！氣！下？食拉麵要講鑊氣嘅咩？係呀！呢間就係有少少重慶麻辣味嘅日本拉麵，至少我覺得係啦。佢標榜係味增拉麵嚟，同一般拉麵比佢口味特濃，如果你鍾意食辣咁就啱晒；如果你鍾意食肉咁就更加啱晒；如果你鍾意食芫荽嘅，唔好諗啦即刻嚟啦！但如果你樣樣都唔係嘅，都要嚟！因為湯底會令你一試難忘，真的。計埋傻傻地咁係東京排隊嗰兩次，總共食過鬼金棒四次。香港分店同日本本店有咩分別？係冇。其實都有嘅，就係香港又唔使排隊有多位你坐囉！對唔住，唔講咁多廢話，介紹下我食過邊種拉麵。【增量叉燒X2 辣麻味增拉麵】有兩舊特大叉燒，似五花腩咁嘅拉麵。麻同辣嘅程度都有得揀，唔識得嘅可以揀唔麻唔辣，但湯底依然濃郁。佢呢隻叉燒係上肥下瘦，可能我鍾意食肥膩野我淨係鍾意食上面嗰層，下層我
▾
【鬼金棒】
如果唔係去過新宿排兩次隊都唔識食呢一間咁好味嘅拉麵店。
冇錯係喺香港都開咗一段時間嘅鬼金棒我居然唔識，仲分別兩次去東京本店排過兩次隊食，排隊嘅意思係差唔多排咗一個鐘隊。
（下圖為日本本店圖）
返到嚟香港第一次居然係喺銅鑼灣見到，第二次連尖沙咀都見到。講真我唔係一個好緊貼潮流嘅人，但係呢一間鬼金棒真係好好食。
講咗咁耐究竟要有幾好食呢？就係佢夠！鑊！氣！下？食拉麵要講鑊氣嘅咩？
係呀！呢間就係有少少重慶麻辣味嘅日本拉麵，至少我覺得係啦。佢標榜係味增拉麵嚟，同一般拉麵比佢口味特濃，如果你鍾意食辣咁就啱晒；如果你鍾意食肉咁就更加啱晒；如果你鍾意食芫荽嘅，唔好諗啦即刻嚟啦！但如果你樣樣都唔係嘅，都要嚟！因為湯底會令你一試難忘，真的。
計埋傻傻地咁係東京排隊嗰兩次，總共食過鬼金棒四次。香港分店同日本本店有咩分別？係冇。其實都有嘅，就係香港又唔使排隊有多位你坐囉！
對唔住，唔講咁多廢話，介紹下我食過邊種拉麵。
【增量叉燒X2 辣麻味增拉麵】
有兩舊特大叉燒，似五花腩咁嘅拉麵。麻同辣嘅程度都有得揀，唔識得嘅可以揀唔麻唔辣，但湯底依然濃郁。佢呢隻叉燒係上肥下瘦，可能我鍾意食肥膩野我淨係鍾意食上面嗰層，下層我覺得好似瘦肉咁。
拉麵嘅質地一般啦，係類似味千拉麵嗰隻拉麵，我唔係好識形容，總之唔似上海麵嗰隻質地。
我另外加咗【味玉】，咬開佢，流心蛋汁流咗出嚟，溝少少湯，一啖食咗佢，正啊！所以話佢湯底真係好掂，我唔係好識食味增，但係經師傅勁有鑊氣咁炒完嘅湯底，真係令人回味無窮！
冇錯呀！師傅係會好似中菜咁樣炒下啲拉麵配料，係有火嗰隻，所以湯底10分美味！
【芫荽 辣麻味增拉麵】
同一般嘅分別就係多咗芫荽，如果你唔知食芫荽嘅skip咗呢啦。
如果你鍾意食芫荽一定要試依一個，因為會令呢一個辣麻辣味增拉麵香味更想一層樓！
第一啖，先飲湯，品嚐一下呢個湯底嘅層次；第二啖，用湯匙盛起芫荽，再加少少湯一同品嚐😂正
跟住就好似平時咁食個拉麵啦，哈！由於我太過胃食，所以平時係得一舊叉燒，但我加錢要多咗舊，而且我唔係特別鍾意食澱粉質，加上呢度啲麵我覺得麻麻地，所以走咗拉麵✌🏻但係想講以一個普通女仔來講，咁樣食法就算走麵都食唔晒...
由於路湯底太吸引啦，所以我冇試過其他嘢食。另外，尖沙咀店有一個小肥嘅店員，態度誠懇，值得表揚。
（下圖為日本本店圖）
如果有興趣睇下日本鬼金棒本店嘅食評可以入去我instagram，或者blog入面再睇，多謝晒拜拜～
🔸 鬼金棒 (尖沙咀)🔸
📍尖沙咀金馬倫道20號地舖
📲 2481 2889
▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸
🔱S指數🔱（滿分為5）
美味度：👅👅👅👅
打卡度：📸📸📸
裝潔度：✨✨✨✨
回頭度：😍😍😍😍
店員態度：✅✅✅✅
---------———————
總推薦度：💓💓💓💓
▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸
Post
