Video
Read full review
2021-06-25
433 views
⚠️冒住出po會得罪好多人嘅風險，我都要誠實咁講：老闆娘米線俾人高估得好緊要🤢一直以嚟碌ig都見到身邊朋友吹奏老闆娘，講到非試不可咁，之後又有foodie吹奏老闆娘係全港最好食米線，我同腦細就決定lunch time專程搭巴士去朝聖，睇下佢咩料。閒日lunch time我哋企係街市都等咗超過半個鐘，嚟街市食米線都唔expect有咩服務態度，但店員真係好惡。OK fine，我哋終於排到入座，都係個句街市環境都係劣架啦唔方坐得舒服，逼逼夾夾咁啦，冷氣都夠凍，電視就播住港台電視31。我哋滿心期待食碗米線，叫晒佢招牌嘅餸，包括野菌腐皮卷、酥炸雞球、蝦膠豆卜同魚肉響鈴。憑我影呢張相你都應該睇得出佢碗米線出晒煙夠晒熱，入面有好多肉碎。炸物都係新鮮炸起，但味道真係完全唔驚艷，我哋淨係覺得好！熱！氣！食完脷尖會痛就嚟生痱滋個種🥵除咗食物新鮮滾熱辣，我哋完全唔覺得佢碗米線有咩咁特別，荃灣其他米線都可能完勝😑講真，黃店米線嚟講佢的確唔差，但完全唔值得大家慕名而來排咁耐入去食，仲要態度同環境都幾差，有朋友之後都同我講老闆娘態度認真麻麻，前排仲見到連登有人開po鬧，即刻好欣慰終於有人肯道出真相🥲🍜酸辣湯米線配野
一直以嚟碌ig都見到身邊朋友吹奏老闆娘，講到非試不可咁，之後又有foodie吹奏老闆娘係全港最好食米線，我同腦細就決定lunch time專程搭巴士去朝聖，睇下佢咩料。閒日lunch time我哋企係街市都等咗超過半個鐘，嚟街市食米線都唔expect有咩服務態度，但店員真係好惡。
OK fine，我哋終於排到入座，都係個句街市環境都係劣架啦唔方坐得舒服，逼逼夾夾咁啦，冷氣都夠凍，電視就播住港台電視31。我哋滿心期待食碗米線，叫晒佢招牌嘅餸，包括野菌腐皮卷、酥炸雞球、蝦膠豆卜同魚肉響鈴。
憑我影呢張相你都應該睇得出佢碗米線出晒煙夠晒熱，入面有好多肉碎。炸物都係新鮮炸起，但味道真係完全唔驚艷，我哋淨係覺得好！熱！氣！食完脷尖會痛就嚟生痱滋個種🥵除咗食物新鮮滾熱辣，我哋完全唔覺得佢碗米線有咩咁特別，荃灣其他米線都可能完勝😑
講真，黃店米線嚟講佢的確唔差，但完全唔值得大家慕名而來排咁耐入去食，仲要態度同環境都幾差，有朋友之後都同我講老闆娘態度認真麻麻，前排仲見到連登有人開po鬧，即刻好欣慰終於有人肯道出真相🥲
🍜酸辣湯米線配野菌腐皮卷&蝦膠豆卜 $55
🍜麻辣湯米線配招牌酥炸雞球&魚肉響鈴 $55
酸辣湯米線配野菌腐皮卷&蝦膠豆卜
$55
6 views
0 likes
0 comments
Post
