糖佰府 (Closed)

來九龍城食完美食，當然要食個甜品至滿足啦！原來這間糖水鋪總店在將軍澳，這間是九龍城的第一分店。糖水種類都幾多，楊枝甘露好多西米露，仲有芒果粒，如果西柚多少少，會酸點甘點，這間的西柚較少，所以食落甜D。椰林飄香有好多生果係面，下面係充滿椰香嘅冰，入口即溶，椰香味幾重。雙丸椰皇西米有兩粒芝麻丸，有一D不同顏色的芋圓，煙煙韌韌，好有口感。配上椰汁西米，好味又不會太甜。餐廳五顏六色，都幾繽紛。食完正餐又立即食甜品，又正又飽。