Day and Nite by Master Kama (Closed)

難得及同舊同事聚舊，我哋揀咗大家最就近嘅旺角，行經過波鞋街附近，見到樓下已經排滿人群，反正唔趕時間 我哋又趁墟去試下😂餐廳以日與夜作主題， 裝橫以黑與白為主調，感覺簡約中帶點型格~烤蒜蓉牛油龍蝦龍蝦以半隻上，牛油香味尤其特出！ 龍蝦夠鮮，而且肉質夠彈牙，食落去啖啖肉😋 跟餐仲配雙色薯條，橙黃色嘅係蕃薯條，比平時食開個薯條多咗 微微嘅甜味，食落去香脆可口👍🏻👍🏻法國藍青口(白酒忌廉汁)雖然法國藍青口比平時食開嘅青口較為細隻， 但肉質更加鮮嫩肥美， 配上白酒忌廉汁，淡淡嘅酒香，香濃嘅忌廉汁，味道一流！👏🏻吉列牛扒配忌廉蘋果咖哩撈烏冬開頭以為呢個配搭會好古怪，但忌廉嘅creamy感，加上少少咖哩嘅香濃口味，再配搭蘋果嘅清甜，味道原來幾有驚喜！而吉列牛扒亦係水準之作👏🏻👏🏻外面嘅麵包糠唔會炸得好厚身，令到裏面嘅牛肉煮得啱啱好，肉嫩而且皮脆~~😋Peach & lychee tea粉紫色嘅上層，配搭淡茶色嘅下層，呢杯蜜桃荔枝茶嘅賣相望落去已經相當夢幻☺飲落去係 香甜嘅蜜桃茶，帶著淡淡嘅荔枝香，兩隻水果唔會互相 搶味，甜度啱啱好，解渴之選！