鳳城酒家 (干諾道西) (Closed)

今晚一行7人相約來到上環最出名食傳統順德菜的鳳城酒家吃晚飯。眼見食客大多是長輩級的老街坊較多。望上餐牌道道都是功夫非常講究的小菜。鳳肝金錢雞金錢雞要預早訂先有，已經剩番好少地方可以食到了。中間夾層雞肝味道非常濃郁，下層半透明肥膏爽口而不膩，加上底部方包夾埋黎食恰到好處。燒味雙併燒肉併叉燒，食落似燒腩仔，比叉燒出色。海蜇拼生腸水海蜇同生腸都比較大size, 生腸頭食落浸滿花雕香氣！鍋貼大明蝦新派蝦多士，多士炸得酥脆，蝦肉彈牙爽口。馳名順德桂魚卷 $268桂魚卷包裹住冬菇、荀絲 釀成魚卷，將魚骨拎去炸，形成一魚兩食狀態。蜆芥鯪魚球鯪魚球咬落彈牙，配埋酒糟蜆芥更突顯出鯪魚球的陳皮味。雲腿桂花翅最夠鑊氣的小菜，加入芽菜、金華火腿、雞蛋炒翅，非常下飯。欖角焗肉排 用上金沙骨部分，除左欖角香氣食落仲帶點胡椒香，非常惹味最後梗係要食埋呢道招牌順德甜品。蓮蓉西米布甸外皮焗得煙韌，入面滑溜，食落啖啖奶黃同蓮蓉香氣。