味苑 (Closed)

呢間味苑在灣仔的分店吃過一次，印象十分良好，今日在外父外母家油油好鬼攰一於去荃灣間味苑食晚餐啦！菜膽翅餐廳保證係用真翅$28想點呀大佬！湯頭清甜有不少精肉在內，翅裙大大一片，夠淋夠滑好鬼正斗啊。燒腩仔皮都夠脆，肉不會太成，肥瘦均稱點啲啲芥未醬好滋味架！炸醬麵係老婆大人飛佛，麵爽彈冇鹼水味，炸醬偏甜，碗湯才是靈魂，香香的大地魚味好鬼正呢！肉絲炒麵做得香脆可口，配上不少的芽菜，韮黃和肉絲，食落味道啱啱線，合格有餘了。