Pizza Piazza (Closed)

同同事約埋一齊食lunch，去咗食意大利餐。呢間服務雖然唔錯，唯獨係份量都基本偏細，如果自己嚟食叫一個餐可能都食唔飽。雙芝士煙肉牛肉薄餅配蒜香巴馬臣雞翼 $144感覺薄餅肉量偏少，番茄醬同他他醬就好多，餅底 好韌好難咬，少啲牙力都唔得，味道就係啲醬料味同芝士味，整體嚟講一般般，唔難食亦都冇話特別好食。雞翼上面放上芝士，都幾新穎。雞肉軟淋，但係雞翼同芝士真係冇話特別夾😂意大利煙肉條意粉加薯條配藍芝士醬 $106煙肉條幾好咬口，意粉似係蕃茄意粉，番茄味道幾好，酸酸地幾好食。幼薯條金黃色熱烘烘，仲係脆嘅，配搭芝士醬又幾好食。黑松露大蝦意粉 $116意粉比較乾身，配搭少量黑松露嘅香氣，蝦肉彈牙，而且幾大隻，份量可以再多啲。澳洲草飼肉眼扒 $146肉眼扒自帶牛肉汁，肉汁香濃，入口唔夠軟，有啲難咬，比較細塊。配菜既薯條就畀好多，薯條真係幾好食。