相馬日式火鍋 (Closed)

相馬有兩個鐘晚市火鍋放題，好多野食，熟食都任食，真係食足兩個鐘！湯底今次係甜豉油嘅湯底，唔會太濃亦都唔會太鹹，味道岩岩好，做火鍋湯底帶番食材既鮮味出黎，好唔錯。呢度唔同種類既肉都係任食，我好鍾意食佢哋嘅牛，本身我係牛魔王，而呢度既特選美國牛肩胛就真係好出色，肉質較結實但食落又唔會鞋口，反而好有牛味，好好食。另外呢度海鮮都係任食，仲要係高質嘅海鮮，佢哋嘅帶子好大粒，蝦又好生猛，仲有蟹棒，全部都好好食，好新鮮好鮮甜。仲未講呢度有熟食都係任食，有日式炸物，入邊有串燒，我好鍾意食佢哋嘅金菇肥牛卷，燒得好香好惹味！