Video
Read full review
2009-08-28
5 views
老公問我有無聽過萬豚屋, 佢話聽人講好味, 叫我上網搵下. 原來在赫德道! 想睇下食評, 但老公已拉了對仔女出發……其實萬豚屋食咩ga ??? 老公話好似食烏冬嘅.搭小巴咪好囉, 老公又要貪新鮮, 去柯士甸! 行到我哋腳都軟晒先搭到車 (由屋企行到去月台要成30分鍾! 對仔女同我都行得慢啩加上途中個仔要買嘢飲.)12:10去到萬豚屋, 不用排隊, 但已有5,6枱客人, 我們一家被安掛到最隱蔽嘅角落, d 冷氣出風口又凍又嘈…真係唔想坐呀! 午餐只有烏冬套餐, 老公竟然讚無mud選擇好喎, 廚房要兼顧太多類型嘅菜色, 食物水平會下降嘛.想快速落單, 但兩位waitress 睇唔倒我哋, 冷氣又嘈, 大聲叫都聽唔到! 安排得客人去角落就要留意啦! 終於因為waitress 帶客人來隔離枱先可以落單.石窩豚肉鳥冬 (唔辣, 老公嘅)石窩牛肉烏冬 (唔辣, 仔女share)石窩豚肉鳥冬 (辣味, 我嘅)(menu上嘅菜名好長好難記! 我剩係記得咁多. )上菜才知“石窩”是韓式石頭窩飯的石窩! 非常滾燙, 老公& 我都覺得震撼, 因為在我們的認識範圍內, 無日式烏冬用滾燙石窩盛載.老
想睇下食評, 但老公已拉了對仔女出發……其實萬豚屋食咩ga ??? 老公話好似食烏冬嘅.
搭小巴咪好囉, 老公又要貪新鮮, 去柯士甸! 行到我哋腳都軟晒先搭到車 (由屋企行到去月台要成30分鍾! 對仔女同我都行得慢啩加上途中個仔要買嘢飲.)
12:10去到萬豚屋, 不用排隊, 但已有5,6枱客人, 我們一家被安掛到最隱蔽嘅角落, d 冷氣出風口又凍又嘈…真係唔想坐呀!
午餐只有烏冬套餐, 老公竟然讚無mud選擇好喎, 廚房要兼顧太多類型嘅菜色, 食物水平會下降嘛.
想快速落單, 但兩位waitress 睇唔倒我哋, 冷氣又嘈, 大聲叫都聽唔到! 安排得客人去角落就要留意啦! 終於因為waitress 帶客人來隔離枱先可以落單.
石窩豚肉鳥冬 (唔辣, 老公嘅)
石窩牛肉烏冬 (唔辣, 仔女share)
石窩豚肉鳥冬 (辣味, 我嘅)
(menu上嘅菜名好長好難記! 我剩係記得咁多. )
上菜才知“石窩”是韓式石頭窩飯的石窩! 非常滾燙, 老公& 我都覺得震撼, 因為在我們的認識範圍內, 無日式烏冬用滾燙石窩盛載.
老公急不及待, 先吃豚肉 -- 是厚厚的猪腩肉, 日本人最鍾意! 不要以為肥腩肉很容易煮,問題是每層肥肉間的瘦肉很難煮腍, 煮耐咗會又鞋又無味.技術不好還是不要向肥腩肉挑戰.
萬豚屋的腩肉是典型日式煮法! 瘦肉部份不會入口即化; 需要稍稍嘴嚼 , 這時肉汁會流出, 吃出鮮味.這種腩肉要肥瘦渾合嘴嚼才可讓牙齒與舌頭好好享受.
萬豚屋做到了, 雖然老公肯定廚師不是日本人, 但他對日本料理認識不淺呢! 而且原來用石窩盛載烏冬不會變糊, 讓一直沈靜的日式烏冬變得有趣, 老公說, 每天都能保持水準的話, 賣貴 $20/ $30, 在圓方開分店都得喎. 佢會成日幫襯云云. (不過老公只有星期六,日在香港喎~)
雖說萬豚屋做得很好, 但 也有小小瑕疵, 就是湯面上的泡(アク）, 看了會倒胃. 我知上菜前由廚房清理有難度, 所以給客人一個小碗來盛載撈出來的泡就好了.
至於我的辣味烏冬, 雖辣卻溫和, 是典型的日式口味. 愛辣的人會投訴不湯不水, 但這就是一般日本人能夠接受的程度了. (豚肉就和上述的一樣.)
牛肉聽說有驚喜, 連吃慣日產和牛的仔女也大讚好味呢! 當然萬豚屋不是日牛, 但質素不差, 數量是5片吧, $58/碗已很有交待了.
餐飲的咖啡, 我和老公都期待著, 因為萬豚屋的英文名是 mochi café, café 的話做咖啡應不會馬虎吧, 可惜……
老公話, “真不幸! 我們的兩杯咖啡一定是壺底的最後兩杯, 煮得太耐酸了……真像 business hotel 早餐供應的最後一杯咖啡呢, 下一位order咖啡的客人應該會喝到好一點的.”
我們只能勉強喝幾口算了, 其實它早就應該被處理掉的, 勉勉強強地送到客人的桌上是十分不智的.先前美味的食物都要被打折呢! (有沒有人可以做品質監控呢? 要是我是waitress, 我會報告老闆的. )
加$8的柚子茶(?) 對仔女飲剩一半, 我和老公飯後不飲凍飲所以不知為何仔女都不太喜歡. 佢哋剩係話唔好飲.
整體萬豚屋不錯啊, 只是…有小瑕疵, 不過, 我們有時間都會再去的, 因為廚師值得支持.
離開時, 見有十多人在排隊了, 好曬好辛苦啊! 開分店的話....
**這食評的笑臉是給廚師的, 其他最多只可以ok尤其是waiterss, 我們想點餐飲, waitrss 多次沒事做經過,卻只有眼看前方, 我們 花了不少精力才引起收銀員注意, 再由她喚waitress 過來....可以眼看四方, 多多留心客人需要嗎?
Post
