金坊泰國美食

Open Now

Now Closed

今晚同家人來食晚飯，好耐無食泰國菜，所以揀左早前好人氣的餐廳，閒日唔算多人，所以不用等位，直接入座。餐廳佈置都有泰國風格，有泰王相，亦有佛像裝飾。不過最吸引都係食物及價錢，性價比高。串燒（豬、牛、雞）半打 $983款肉各兩串，燒得香口帶燒烤香，配埋花生味濃郁的沙嗲醬，好濃香惹味。豬肉扎實有咬口，用較腍的部位，無肥肉位，邊位燒至香脆，味道好有泰式風味。雞肉有彈性，肉嫩多汁，有陣陣烤雞香。牛肉較硬身，整串拎來食，別有風味。牛肉亦很夾沙嗲醬的微甜帶咸，更顯牛肉味。咖哩炒軟殼蟹 $168份量足夠，4人分享剛好，軟殼蟹都好大隻，炸至金黃色，香脆惹味，蟹肉飽滿鮮甜，真材實料啖啖肉，配咖哩味道更豐富。咖哩好香唔會好辣，配料豐富，有青紅椒、洋蔥……增加爽脆咬口，咖哩也很夾飯或蒜蓉包/法包。蒜蓉包條 $50特別為咖哩點左蒜蓉包，好香牛油同蒜味，外脆內鬆軟，沾到好多咖哩汁，咸度剛好。味道濃郁惹味，咖哩好香且唔辣，非常美味易入口。藍妹（大）$19星期一至四有半價，都幾抵，夠凍夠清爽。食串燒同咖哩必飲啤酒。最後餐廳送泰式奶茶糕，每人兩件，奶茶味突出，香濃甜美好滑彈，食完唔膩，呢個味道幾創新。