Video
Read full review
2025-08-05
1230 views
銅鑼灣🚇嘅牛站食材種類多到令你花多眼亂🤩，除咗有超過45款火鍋配料同蔬菜🥬，仲有超過20款醬料任你調配🥄，無論你鍾意咩口味都一定搵到心水❤️，難怪日日都咁人氣鼎盛🔥。今次我哋揀咗鴛鴦鍋，一邊係「香濃蕃茄豬骨鍋」🍅，湯底濃郁帶甜，有晒蕃茄嘅鮮味同豬骨嘅精華🍖，用嚟淥海鮮同肉都好夾。另一邊係「香辣沙爹鍋」🌶️，沙爹味香濃，帶點微辣，淥肉類一流，食落好惹味😋！肉類方面🥩，美國SRF極黑和牛同埋美國安格斯牛板健都係我心水💖。極黑和牛輕輕一淥就食得，牛味香濃。安格斯牛板健都唔輸蝕👍，肉質軟嫩得嚟帶點嚼勁，食落好滿足😌。個人推介仲有牛筋同牛黃喉🐂，牛筋畀啲時間煮到腍晒，索晒湯汁精華💧，好正；牛黃喉爽脆彈牙，口感一流💯！海鮮方面🌊，當然要重點介紹大頭蝦🦐，隻隻都好大隻，蝦頭充滿蝦膏🤤，蝦肉結實彈牙，鮮甜無比，👏真係好食到停唔到口！鍾意食蝦嘅朋友一定唔可以錯過！另外仲有海螺片🐚，淥幾秒就食得，爽脆鮮甜，都係我心水💕。另一個主角就係乳鴿🐦，燒到皮脆肉嫩，肉汁豐富💦，一咬落去，乳鴿嘅獨有香味即刻散發出嚟✨，真係幾好食！自助火鍋配料區💪選擇多到數唔晒，有齊多款新鮮蔬菜🥦、丸類同埋台式餃🥟，等等。熟食區都好多驚喜
銅鑼灣🚇嘅牛站食材種類多到令你花多眼亂🤩，除咗有超過45款火鍋配料同蔬菜🥬，仲有超過20款醬料任你調配🥄，無論你鍾意咩口味都一定搵到心水❤️，難怪日日都咁人氣鼎盛🔥。
今次我哋揀咗鴛鴦鍋，一邊係「香濃蕃茄豬骨鍋」🍅，湯底濃郁帶甜，有晒蕃茄嘅鮮味同豬骨嘅精華🍖，用嚟淥海鮮同肉都好夾。另一邊係「香辣沙爹鍋」🌶️，沙爹味香濃，帶點微辣，淥肉類一流，食落好惹味😋！
肉類方面🥩，美國SRF極黑和牛同埋美國安格斯牛板健都係我心水💖。極黑和牛輕輕一淥就食得，牛味香濃。安格斯牛板健都唔輸蝕👍，肉質軟嫩得嚟帶點嚼勁，食落好滿足😌。
個人推介仲有牛筋同牛黃喉🐂，牛筋畀啲時間煮到腍晒，索晒湯汁精華💧，好正；牛黃喉爽脆彈牙，口感一流💯！
海鮮方面🌊，當然要重點介紹大頭蝦🦐，隻隻都好大隻，蝦頭充滿蝦膏🤤，蝦肉結實彈牙，鮮甜無比，👏真係好食到停唔到口！鍾意食蝦嘅朋友一定唔可以錯過！另外仲有海螺片🐚，淥幾秒就食得，爽脆鮮甜，都係我心水💕。
另一個主角就係乳鴿🐦，燒到皮脆肉嫩，肉汁豐富💦，一咬落去，乳鴿嘅獨有香味即刻散發出嚟✨，真係幾好食！
自助火鍋配料區💪選擇多到數唔晒，有齊多款新鮮蔬菜🥦、丸類同埋台式餃🥟，等等。
熟食區都好多驚喜✨，荔枝蝦球外脆內軟，蝦肉鮮甜🦐，配上勁脆嘅外殼，口感好特別☺️。 麻辣小龍蝦🌶️麻辣鮮香，小龍蝦肉質彈牙🦞，食得好過癮。
而大腸麵線就充滿風味🍜，麵線幼滑，大腸處理得好乾淨✨，滷得入味，湯頭濃郁🥣。
飲品方面🥤，有齊紙包飲品🧃、罐裝飲品，仲有多款冷泡茶🍵，解渴又健康💧。鍾意飲酒嘅朋友仲有清酒🍶、白酒同燒酒任你揀🎉。
最後當然唔少得甜品啦🍨！甜品櫃有多款精美甜品🍰，賣相吸引✨，味道都唔錯。 另外仲有「椰汁鮮奶雪燕」🥥、「楊枝甘露」🥭同「台式仙草芋圓」，全部都係清潤又解膩嘅甜品，食完火鍋再食真係好滿足😊。
最最最重要嘅係，佢哋有「Häagen-Dazs雪糕」🍨任你食！多款口味任君選擇🌈，食完熱辣辣嘅火鍋🔥，再食返杯雪糕，簡直係人生一大享受🤩！
Post
