Burgerman (欽州街) (Closed)

深水埗有間小店既burger幾好食，之前都食過，不過今日再黎，味道同質量依舊咁好，我相信呢樣係因為小店既堅持，實屬難得。和牛漢堡包個漢堡望落都幾大個，對女仔黎講，好難一啖咬哂咁多層，塊和牛漢堡非常足料，厚厚一塊，好多汁，而且肉味濃，加上日式芝麻醬，同香味十足既炸洋蔥粒同新鮮既生菜，令到整個漢堡冇咁漏，而且個包外脆內軟，熱辣辣，整體個漢堡包有85分。沙律沙律菜新鮮，有蕃茄、火箭菜、羅馬生菜等，新鮮鮮甜，不俗。地方比較少位，外賣是不錯的選擇，食物份量非常足夠，而且品質味道不錯，值得推介。