瀧宴日本料理

Open Now

Now Closed

想食鐵板燒，於是問吓朋友有咩推薦，介紹咗銅鑼灣既瀧宴鐵板燒，於是去試吓餐廳位置Sugar 26樓，可以一覽無遺海景。一嚟先上前菜係南非鮑魚配大根，用上自家製醬汁，鮑魚非常鮮嫩亦非常入味。之後就到刺身包括咗八爪魚，真鯛，深海池魚，八爪魚爽脆，真鯛及深海池魚亦非常鮮甜。之後就上咗拖羅最中餅及蟹肉茶碗蒸，酒精非常滑溜，配上蟹肉鮮甜無比。最期待既鐵板燒終於上場澳洲野生龍蝦，龍蝦啱啱喺魚缸撈上嚟就放上啲鐵板燒非常新鮮，龍蝦用上龍蝦膏做成醬汁分外惹味。鐵板宮崎和牛油香十足，入口即溶，配上蒜片一下已經食晒。最後就係鐵板炒飯，用上煙肉蔥花炒，非常乾淨鐵板炒飯比起用鑊炒嘅飯更加有鑊氣。炒菜亦不能錯過自家製醬汁，更加將蔬菜嘅甜味發揮出嚟。餐廳亦非常好，可以自帶酒水雖然要開瓶費，但可以飲到自己喜歡嘅清酒搭配上鐵板燒第一個滿足嘅晚餐。