Video
Read full review
2021-08-02
204 views
前幾日又想打邊爐，見呢間餐廳有和牛放題，所以就嚟咗呢度食啦。天下糧倉呢個名好搞笑，不過正所謂民以食為天，食餐好嘅就最重要。首先一開始餐廳就會俾晒八款牛肉，排列得好靚咁樣一盤上。八款牛肉分別係SRF美國黑毛和牛、Prime牛板腱、安格斯牛肩胛、封門柳、一級肥牛、金錢展、鮮牛肉同埋牛脷片。每款牛肉都各有各特色啦，厚薄亦都適中嘅，可以試晒自己最鍾意邊款之後先再加單。我個人就略嫌一級肥牛同埋鮮牛肉比得有啲多，不過我朋友話佢非常鍾意食個鮮牛肉，所以佢食晒。我自己就最鍾意SRF美國黑毛和牛，因為牛味濃郁，油脂亦都比較豐富。牛脷片口感比較彈牙，我都幾鍾意。至於個湯底呢，我就揀咗鴛鴦湯底嘅。一邊係唔辣嘅潮汕牛骨湯，另一邊就係辣嘅重慶翡翠綠麻辣鍋。潮汕牛骨湯有香濃嘅牛味，用嚟煮牛肉就啱晒啦。至於麻辣嘅湯底其實有兩款嘅，分別係四川紅麻辣鍋同埋我哋揀咗嘅呢款重慶翡翠綠麻辣鍋。我特登問店員紅色同綠色嘅麻辣有咩分別，店員話紅色嘅係平時常見好多紅油嘅麻辣鍋，至於綠色嘅就冇乜油，由辣椒嘅天然辣味整成。聽落綠色嘅好啱我，所以我就揀咗綠色㗎喇。呢款重慶翡翠綠麻辣鍋麻辣味十足，但又唔會油膩，無論煮菜定煮肉都好適合。至於其
天下糧倉呢個名好搞笑，不過正所謂民以食為天，食餐好嘅就最重要。
首先一開始餐廳就會俾晒八款牛肉，排列得好靚咁樣一盤上。八款牛肉分別係SRF美國黑毛和牛、Prime牛板腱、安格斯牛肩胛、封門柳、一級肥牛、金錢展、鮮牛肉同埋牛脷片。
每款牛肉都各有各特色啦，厚薄亦都適中嘅，可以試晒自己最鍾意邊款之後先再加單。
我個人就略嫌一級肥牛同埋鮮牛肉比得有啲多，不過我朋友話佢非常鍾意食個鮮牛肉，所以佢食晒。
我自己就最鍾意SRF美國黑毛和牛，因為牛味濃郁，油脂亦都比較豐富。
牛脷片口感比較彈牙，我都幾鍾意。
至於個湯底呢，我就揀咗鴛鴦湯底嘅。一邊係唔辣嘅潮汕牛骨湯，另一邊就係辣嘅重慶翡翠綠麻辣鍋。
潮汕牛骨湯有香濃嘅牛味，用嚟煮牛肉就啱晒啦。
至於麻辣嘅湯底其實有兩款嘅，分別係四川紅麻辣鍋同埋我哋揀咗嘅呢款重慶翡翠綠麻辣鍋。我特登問店員紅色同綠色嘅麻辣有咩分別，店員話紅色嘅係平時常見好多紅油嘅麻辣鍋，至於綠色嘅就冇乜油，由辣椒嘅天然辣味整成。聽落綠色嘅好啱我，所以我就揀咗綠色㗎喇。
呢款重慶翡翠綠麻辣鍋麻辣味十足，但又唔會油膩，無論煮菜定煮肉都好適合。
至於其他配料例如菜同丸、響鈴、麵之類都係任食嘅。款式唔係特別多，但平時會食到嘅都有，況且嚟呢到都係主要食牛嘅。
飲品都係任飲。最後仲有雪糕食添。
Post
