鞍下熟成肉

Open Now

Now Closed

餐廳新開張，見到Menu有A5和牛，幾吸引！價錢都合理，依個品質唔算貴👍🏻先講食物質數，牛肉有分薄片同埋厚片，兩款都非常不錯，個Misuji打頭陣非常出色，口感軟嫩又多汁，自己本來唔食生蛋，但依間店啲蛋冇腥味，而且好濃郁，問店員先知係用蘭王雞蛋，睇得出佢哋幾着重食材品質👍🏻另外店員特別推介一支自家製「霜醬汁」，好重柚子味，清新又解膩。香蔥溫泉玉子蛋飯就一定要叫，味道調得好好，一個人食左2碗。甜品都好特別，卡達拉娜上面有香草，又甜又香，同埋估唔到會配一杯抹茶點茶，苦苦地，但一解和牛油膩感覺，呢樣嘢做得幾好。下次會再黎！